Ձեր վստահելի աղբյուրը

«Հենց «Ելք» դաշինքը պառակտվի, վստահեցնում եմ, անմիջապես պաշտոնական հայտարարություն կլինի»,-լրագրողների հետ զրույցում հայտարարեց առաջին փոխվարչապետ Արարատ Միրզոյանը:

Լրագրողները նրան հիշեցրեցին, որ Երևանի  ավագանու ընտրություններում «Քաղաքացիական պայմանագիր» կուսակցությունը միայնակ է թեկնածու առաջադրել:

«Կարծում եմ՝ վաղ  է պառակտման մասին եզրահանգումներ անելը»,-ասաց նա:

Հարցին՝ հնարավոր է, որ խորհրդարանական ընտրություններին ՔՊ-ն դաշինքով մասնակցի, Միրզոյանը պատասխանեց. «Գուցե շտապում եմ ասել, բայց սա իմ կարծիքն է: Հայաստանում պետք է ձևավորվի մի քաղաքական ուժ, որի հիմքում  իհարկե ընկած կլինի «Քաղաքացիական պայմանագիրը» և Նիկոլ Փաշինյանի և թիմակիցների առաջ բերած արժեհամակարգը, գաղափարներն ու նպատակները: Եվ այդ ուժը կստանձնի  բոլոր այդ արժեքների հիման վրա ընկած փոփոխությունների պատասխանատվությունը և առաջ տանելը, կդառնա դրանց դրոշակակիրը»:

Նրա կարծիքով, նման քաղաքական ուժի մեջ կարող են ընդգրկված լինել տարբեր անհատներ՝ քաղաքական, հասարակական կառույցներից: