Ձեր վստահելի աղբյուրը

«Քաղաքացիական պայմանագիր» կուսակցության կողմից՝ Երևանի քաղաքապետի թեկնածու առաջադրած Հայկ Մարությանին, ով առավել հայտնի է Կարգին Հայկո, շատերն անլուրջ են ընդունում:  Լրագրողներն այս դիտարկումը ներկայացրեցին առաջին փոխվարչապետ Արարատ Միրզոյանին, հարցրեցին նրա կարծիքը:

«Մեզ էլ լուրջ չէին ընկալում մի վեց ամիս առաջ»,-ասաց Միրզոյանը:

Կառավարության ներկայացուցչից հետաքրքրվեցին՝ Լավրովի հայտարարության վերաբերյալ ինչ կարծիք ունի:

«Այս հարցում իմ դիրքորոշումը տառացիորեն համընկնում է ԱԳ նախարարության արած ձևակերպումների հետ, ոչինչ չունեմ ավելացնելու»,-ասաց նա:

Հարցին, թե ինչ փուլում են այն ներդրումները, որոնց մասին հայտարարում էին կառավարության ներկայացուցիչները, Միրզոյանը պատասխանեց. «Գիտեք, բազմամիլիոնանց ներդրումները մի քանի օրում, ինչու չէ նաև մի քանի ամսում չէ, որ լինում են: Կարծում եմ, պետք է սպասենք: Վստահ եղեք, որ ներդրումներ լինելու են»: