Ձեր վստահելի աղբյուրը

«Ընդդեմ իրավական կամայականությունների» ՀԿ գործադիր տնօրեն Լարիսա Ալավերդյանը այսօր անդրադարձել է  ՀՀ երկրորդ նախագահ Ռոբերտ Քոչարյանի գործին։

«Ռոբերտ Քոչարյանի գործի  մասին ամբողջովին արտահայտվել եմ՝ ցանցային շատ մեծ բողոք է սկսվել, բայց իմ լսարանը սոցցանցը չէ, իմ լսարանը գրագետ և բանիմաց լսարան է: Այս գործում շտապողականություն չպետք է դրսևորվեր, դա կխանգարի նոր իշխանություններին: Ես կոչ եմ անում վերին աստիճանի սթափ, հավասարակշռված, միջազգային իրավունքի, օրենքի գերակայություն դրսևորել: Պետք է չէ՞ մտածել, որ դու հեղափոխական ոգևորության ժամանակ գնում ես քայլերի և թույլ ես տալիս ոչ լիարժեք պահպանել միջազգային իրավունքը, միջազգային հանրությունը դա միաժամանակ է ընդունում: Եվ ես երբեք չեմ ասել, որ միջազգային հանրության սիրտը մեզ համար ավելի շատ է ցավում, քան մերը»,-նշեց նա:

Լարիսա Ալավերդյանը նշեց, որ քայլերը պետք է հաշվարկված լինեին, ինչ էլ որ անեն, պետք է անեն օրենքի և իրավունքի ոսկերչական ճշգրտությամբ. «Բոլորն էլ գիտեին, թե ով է Վերաքննիչ դատարանի նախագահը»:

«Ռոբերտ Քոչարյանը խոցելի կլիներ այլ հոդվածների կիրառմամբ, ասենք՝ ապօրինի հարստացման»,- հավելեց նա։