Ձեր վստահելի աղբյուրը

2018 թվականի առաջին կիսամյակում  Հայաստանում արտադրվել է 3 852.8 մլն կՎտ ժամ էլեկտրաէներգիա, ինչը նախորդ տարվա նույն ժամանակահատվածի համեմատ աճել է 1.5%-ով։ Այս մասին տեղեկանում ենք ՀՀ վիճակագրական  կոմիտեից:

Ըստ ԱՎԾ-ի՝  այս հունվար-հունիսին  ՋԷԿ-երի արտադրության ծավալն աճել է  2.2%-ով և կազմել 1 469.5 մլն կՎտ ժամ,  ջերմային էներգիայի արտադրությունը՝ 27.7%-ով՝ կազմելով 24 հազար հեգաջոուլ, հողմային էլեկտրակայանների կողմից էլ արտադրվել է 1.0 մլն կՎտ ժամ էլեկտրաէներգիա՝ նախորդ տարվա նույն ժամանակահատվածի համեմատ նվազելով 16.7%-ով:

Ինչ վերաբերում է ՀԷԿ-երին, ապա արտադրության ծավալներն այստեղ ավելացել են 2%-ով՝  կազմելով 1 469.5 մլն կՎտ ժամ։

Վիճակագրության համաձայն՝ այս տարվա առաջին կիսամյակում Հայաստանի ատոմային էլեկտրական կայանն (ՀԱԷԿ) արտադրել է 1 141.1 մլն կՎտ ժամ էլեկտրաէներգիա, ինչը 2017թ-ի նույն ժամանակահատվածի համեմատ աճել է 0.2%-ով:

Նշենք նաև, որ այս տարվա հունվար-հունիսին հանրապետությունում արևային էլեկտրակայաններն արտադրել են  2 մլն կՎտ ժամ էլեկտրաէներգիա։