Ձեր վստահելի աղբյուրը

Գիտնականները որոշել են, թե ով է հուղարկավորվել սև սարկոֆագում, որը գտել էին Ալեքսանդրիայում պեղումների ժամանակ և բացել էին հուլիսի 19-ին։

Լենտա.ռու-ի հաղորդմամբ, հուղարկավորվածներից մեկը 35-39 տարեկան տղամարդ է՝ 160-165,5 սանտիմետր հասակով, մյուս տղամարդն ավելի խոշորամարմին է՝ 179-184,5 սմ հասակով՝ 40-44 տարեկան։ Նրանց հետ թաղված է եղել նաև  20-25 տարեկան, 160-164 սմ հասակով կին։ Նշվում է, որ ավելի վաղ նկատված անցքը տղամարդկանցից մեկի գանգի վրա, հնարավոր է հայտնվել է գանգի բացման վիրահատության ժամանակ։

Գիտնականները շարունակում են սարկոֆագում գտածի ուսումնասիրությունը ԴՆԹ փորձաքննության օգնությամբ, որպեսզի պարզեն հուղարկավորվածների ազգակցականության աստիճանը։

Ավելի վաղ հաղորդվել էր, որ հինգ մետր խորության վրա հայտնաբերված սարկոֆագը ավելի քան 2 հազար տարվա պատմություն ունի, թվագրվում է Պտղոմեոսների դինսատիայի շրջանով՝ մ.թ.ա. 4-1-ին դարեր։ Այդ ժամանակներից ի վեր այն չէին բացել։