Ձեր վստահելի աղբյուրը

«Վարչապետն իր ելույթում հստակ նշեց, որ արտակարգ դատարաններ չեն ստեղծվելու: Անցումային արդարադատությունը չի հակասելու ՀՀ Սահմանադրությանը, չի հակասելու միջազգային կոնվենցիաներով Հայաստանի ստանձնած պարտավորություններին, Սահմանադրության որևէ դրույթ չի կասեցվելու՝ ուղղակիորեն կամ բովանդակային առումով: Դա լինելու է օրինական, աջակցող է լինելու: Հարցերը լուծելու են  դատարանները, դրանք չեն լուծարվելու, դատարանների դատարան չի ստեղծվելու, միջազգայնորեն ստանձնած պարտավորությունները չեն խախտվելու»,- այսօր կայացած մամուլի ասուլիսի ժամանակ ասաց Արդարադատության  նախարար Արտակ Զեյնալյանը:

«Մենք օգտվելու ենք այլ երկրների փորձից, նրանց սխալները չենք կրկնելու, մենք սովորելու ենք ուրիշների սխալների վրա: Հիմա ուսումնասիրությունները շարունակում են: Մենք լինելու ենք ամենանախանձելին, ինչպիսին ինքը հեղափոխությունն էր: Այսպիսի էլեմենտներ եղել են Վրաստանում և այլ երկրներում»,-հիշեցրեց նախարարը:

Անդրադառնալով ՀՀ երկրորդ նախագահ Ռոբերտ Քոչարյանի գործով դատավոր Ալեքսանդր Ազարյանին՝ նախարարը շեշտեց, որ ինքը, որպես Արդարադատության նախարար, չի կարող վերջինիս նկատմամբ կարգապահական վարույթ հարուցել չի կարող, չի կարող միջամտել:

Անցում կատարելով նախարարության ստացած բողոքներին՝ Զեյնալյանը փաստեց, որ իրենք քաղաքացիների կողմից ստանում են բազմաթիվ բողոքներ, դրանց թիվը հնգապատկվել է: Գերակշիռ մեծամասնությունը բողոքում է արդարադատությունից:

Անդրադառնալով ԱԺ պատգամավոր Մանվել Գրիգորյանի՝ երեկ լայնորեն տարածված հայտնի լուսանակարին, նախարարը նշեց՝ իրավունքի խախտում է, երբ դատապարտյալին նկարում և հրապարակում են: Ըստ նրա՝ ԶԼՄ-ները պետք է ծանրութեթև անեն՝ արժե՞ նման լուսանկարներ հրապարակել, եթե անգամ դատապարտյալը համաձայնել է , որ իրեն լուսանկարեն:

«Իմ հանձնարարությամբ իրականացվում է ծառայողական քննություն, լուսնակարը կատարվել է ավելի վաղ՝ ՁՊՎ-ում»,- ասաց նա:

Արտակ Զեյնալյանը միաժամանակ հավելեց, որ ՍԴ տարեկան հաշվետվությունների մեջ պարբերաբար արձանագրվել է, որ ԴՍորոշումները մեծ մասամբ չեն կատարվում:

«Իմ կողմից նախաձեռնվել է  ՍԴ որոշումների կատարման օրենսդրական փաթեթների պատրաստման գործընթաց: Մի քանի տասնյակ օրեյնքներ արդեն պատրաստ են և առաջիկայում կդրվեն շրջանառության մեջ:

Անցում կատարելով Եվրոպական դատարանի վճիռներին, պետք է նշել, որ դրանք թեև թարգամնված էին և հրապարակված էին մեր կայքում, սակայն դրան հասանելի չէին միասնական փնտրողական համակարգում: Իմ նախաձեռնությամբ դրանք բոլորտը տեղադրված են arils տեղեկատվալկան-փնտրողական համակարգում: Նոտարի կողմից էլեկտրոնային թվային ստորագրությամբ վավերացվող պայմանագրերի առցանց եղանակով փոխանցման հարթակ ևս ստեղծվել է՝ e-notaryանմվանումով: սա հնարավորություն կտա կրճատելու փաստաթղթաշրջանառությունը, ժամանակը և միջոցները»,- նշեց նախարարը: