Ձեր վստահելի աղբյուրը

«Ռեանիմանիա»  միջազգային անիմացիոն կինոփառատոնը և «Անեսսի» (ANNECY)  խոշորագույն միջազգային անիմացիոն կինոփառատոնը հոյակապ հնարավորություն են ընձեռնում անիմացիոն ֆիլմ արտադրողներին ներկայացնել իրենց նախագիծը՝ «Անեսսիի» միջազգային շուկայում հնարավոր ֆինանսավորում գտնելու հեռանկարով:   Այս մասին հայտնում են «Ռեանիմանիա» կինոփառատոնի մամուլի ծառայությունից։

«Այս տարի լրանում է «Ռեանիմանիա» անիմացիոն ֆիլմերի և պատկերապատման միջազգային կինոփառատոնի 10-ամյակը, որը զուգորդվում է Հայաստանում անիմացիոն կինոյի հիմնադրման 80-ամյակի հետ:

Եվ այս չափազանց կարևոր իրադարձության հետ միասին, որպես Հայկական անիմացիոն ֆիլմերի խթան, «ՌեԱնիմանիան» ոգևորված է ձեզ և բոլոր հետաքրքրված անձանց տեղեկացնելու, որ Աննեսի (ANNECY)  խոշորագույն միջազգային անիմացիոն կինոփառատոնը և «ՌեԱնիմանիան»  իրականացնելու են Animation du Monde ծրագիրը Հայաստանում:  Այս հոկտեմբերին մեր փառատոնի շրջանակներում Հայաստան կժամանեն Աննեսիի փորձագետները՝  5-օրյա վարպետաց դասընթացներ անցկացնելու 10 լավագույն նախագծերի և իրենց հեղինակների հետ: Վարպետաց դասընթացները վերաբերելու են նախագծերի սցենարական, արտադրական աշխատանքներին, մարքեթինգին, բյուջեի կազմմանը և այլ մասնագիտական գիտելիքների ձեռք բերմանը:  Աննեսիի կողմից ստեղծված այս հատուկ ծրագրի շնորհիվ և մեր համատեղ ուժերով, փառատոնի ավարտին նախագծերը պիտի պատրաստ լինեն ներկայացվելու աշխարհում ցանկացած միջազգային անիմացիոն շուկայում և միջազգային պրոդյուսերներին»,- նշված է հաղորդագրության մեջ։
 
Animation du Monde նախագծին մասնակցել ցանկացողներին իրենց անիմացիոն ֆիլմերի նախագծերի հայտերը պետք է ներկայացնեն մինչև հոկտեմբերի 8-ը։

Դիմումներից ընտրված 10 լավագույն հեռանկարային նախագծերն ու հեղինակները իրավունք կստանան մասնակցելու  վարպետության դասընթացին՝ ներկայացնելու, մասնագետների հետ միասին աշխատելու և բարելավելու իրենց նախագծերը, ստանալու խորհրդատվություն՝ դրանք ավելի մրցունակ դարձնելու համար: Դասընթացների ավարտին Աննեսիի փորձագետների կողմից կընտրվի ՄԵԿ լավագույն նախագիծ, որի հեղինակը 2019 թվականին կմեկնի Ֆրանսիա՝ մասնակցելու Աննեսի միջազգային անիմացիոն կինոփառատոնի շուկային (MIFA- International Market of Animation) և այնտեղ հնարավորություն կունենա իր նախագիծը ներկայացնելու՝ հնարավոր ֆինանսավորման, համագործակցության և կարևոր կապերի ձեռքբերման նպատակով: 

Դիմորդները պարտադիր պետք է  ներկայացնեն հետևյալ փաստաթղթերը՝ այլապես նախագիծը չի ուսումնասիրվի և կմերժվի. 
1- Ինքնակենսագրություն (CV)
2- Սցենար 
3- Համառոտագիր 
4- Կերպարների ձևավորում 
5- Concept Art  (ընդհանուր ֆիլմի ձևավորումը, հետին պլանները, գունային լուծումներ և այլն)
6- Պատկերապատում (storyboard)
7- Հնարավորության դեպքում teaser կամ կերպարների/կերպարի անիմացիան
8- Անիմատիկ
9- Բյուջե
10- Ստորագրված փաստաթուղթ առ այն, որ նախագիծը որևէ հեռուստաալիքի կողմից չի գնվել

Ուղարկված փաստաթղթերի ձևաչափը պետք  է լինի մեկ ընդհանուր PDF ֆայլ: 

Դիմումը պետք է ուղարկել [email protected]  էլեկտրոնային հասցեին ՝ նամակը վերնագրելով -Subject-ում "Animation du Monde-Armenia2018"։

Նախագիծը իրականացվում է ՌեԱնիմանիայի «ՄարԱնի» (MarAni - Market of Animation) և Աննեսի փառատոնի «Animation du monde» համագործակցության շրջանակներում:  Նախագծին աջակցում են Հայաստանում Եվրոպական միության պատվիրակությունը, Հայաստանում Ֆրանսյայի հանրապետության դեսպանությունը, և ՀԲԸ