Ձեր վստահելի աղբյուրը

Մոսվան և Բաքուն ավելի քան տասը փաստաթուղթ են ստորագրել տարբեր ոլորտներում համագործակցության ընդլայնման վերաբերյալ:

«ՏԱՍՍ»-ը գրում է, որ փաստաթղթերը ստորագրվել են Ռուսաստանի նախագահ Վլադիմիր Պուտինի և Ադրբեջանի նախագահ Իլհամ Ալիևի՝ Սոչիում կայացած հանդիպման բանակցություններից հետո։

Աղբյուրը նաև գրում է, որ Պուտինը հույս է հայտնել, որ ստորագրած համատեղ հայտարարությունը նոր լիցք կհաղորդի Մոսկվայի և Բաքվի հարաբերությունների զարգացմանը:

«Համոզված եմ, որ այսօրվա բանակցությունները, որին մասնակցում էին առանցքային գերատեսչությունների ղեկավարները և գործարար ներկայացուցիչները, լրացուցիչ խթան կհանդիսանան ռուս-ադրբեջանական կապերի ամբողջ շարքի հետագա զարգացման համար: Սրան է ուղղված Ադրբեջանի նախագահի հետ ստորագրված ստորագրված համատեղ հայտարարությունը»,- ասել է ՌԴ նախագահը։

Պուտինը հայտարարել է, որ ընթացիկ հանդիպումը կայացել է «կառուցողական և գործարար միջավայրում» և ընդգծել է, որ «Ռուսաստանն ու Ադրբեջանը ունեն ամուր բարեկամության և  համագործակցության ավանդույթներ»:

Նրա գնահատմամբ, պետությունների հարաբերությունները «գործընկերային, փոխշահավետ բնույթ են կրում` հիմնված բարիդրացիության, հարգանքի և վստահության սկզբունքների վրա»: