Ձեր վստահելի աղբյուրը

«Իմ քայլը» դաշինքի կողմից Երևանի քաղաքապետի թեկնածու առաջադրված Հայկ Մարությանը՝ սևերի ու սպիտակների մասին հայտարարությանը հաջորդած քննադատություններից, արձագանքներից հետո ֆեյսբուքյան իր էջում գրել է.

«Սիրելի ժողովուրդ, այսօր համացանցում քննարկման առարկա են դարձել ելույթումս հնչեցված որոշ ձևակերպումներ, որոնք տարաբնույթ մեկնաբանությունների առիթ են հանդիսացել։ Ես ամենևին անթերի չեմ, և կարծում եմ, որ կարող էի ավելի հստակ ձևակերպել խոսքս, և, գուցե, այդ դեպքում տարընթերցումներ չլինեին։ Ուզում եմ հստակ ֆիքսել, որ Հայաստանում կա ընդամենը մեկ սուբյեկտ, որի դեմ խաղ չկա, և դա Հայաստանի ժողովուրդն է։

Ու, այո, բոլոր այն ուժերը, որոնք տարիներ շարունակ բռնացել են ու դեռ փորձելու են բռնանալ ժողովրդի ազատության և արժանապատվության վրա, խաբել ժողովրդին, կանխել վերջինիս առաջընթացն ու հաջողությունը, սև ուժեր են, և ես անձամբ իմ պարտքն եմ համարել և համարում անել ամեն ինչ, որպեսզի նրանք այլևս երբեք չկարողանան դա անել։

Ընտրությունը ժողովրդինն է, և ես համոզված եմ, որ մեր թիմը կարժանանա վերջինիս վստահությանը»։

Ասենք, որ՝ հստակ, թե չէ, բայց սոցցանցերում արդեն սև-սպիտակը մեմ, հայերեն ասած՝ մատի փաթաթան է դարձել:

«Սև ու սպիտակի 50 երանգները...»
«Հայկոյին ըսեք օր ԿԳ նախարարը ըսել է օր սև ու սպիտակը պարտադիր չէ»
«Ո՞վ չգիտի, որ սպիտակի ու սևի փոշիները տարբեր են։ /Լվացքի մեքենա/»