Ձեր վստահելի աղբյուրը

ՀՀ-ում ԱՄՆ դեպսանատունը պարզաբանում է տարածել՝ ներկայացնելով այսօրվա ֆրենչայզինգի համաժողովի ընթացքում դեսպանի Միլսի և լրագրողների ճեպազրույցի սղագրությունը (հայերեն թարգմանությամբ), որը, ըստ դեսպանատան, «կկանխի դեսպանի խոսքի սխալ մեկնաբանության հետագա տարածումը»:

Ներկայացնում ենք  սղագրությունն ամբողջությամբ։

Question: Recently we are hearing lots of assessment and comments from Russian officials concerning the situation in Armenia. Don’t you think that this is pressure on Armenia and interference in Armenia’s internal affairs? I mean the statements by Lavrov and others.

Հարց. Վերջին օրերին, վերջին շրջանում հաճախ կարելի է Ռուսաստանի տարբեր պաշտոնյաների կողմից Հայաստանի ներքին իրավիճակի հետ կապված գնահատականներ լսել: Չե՞ք կարծում որ դա ճնշում է Հայաստանի նոր իշխանությունների նկատմամբ և միջամտություն Հայաստանի ներքին գործերին: Նկատի ունեմ Լավրովի հայտարարությունները և այլ:

Ambassador: I have seen those comments. It is for the Armenian government to respond to comments from the Russian government. Our view remains that there has been a need for a thorough and fair investigation into the events of March 2008, and it is important that that investigation be carried out in accordance with the rule of law and Armenian due process.

Դեսպան. Տեսել եմ այդ գնահատականները, արձագանքները: Հայաստանի կառավարությունը պետք է արձագանքի այդ մեկնաբանություններին [Այս նախադասության բառացի թարգմանությունը հետևյալն է. Ռուսաստանի կառավարության մեկնաբանություններին արձագանքելը Հայաստանի կառավարության գործն է:] Մեր դիրքորոշումը եղել և մնում է այն, որ մարտի 1-ի դեպքերի մասով պետք է մանրակրկիտ և օբյեկտիվ քննություն իրականացվի և կարևոր է որ այս քննությունը իրականացվի իրավունքի գերակայության և Հայաստանի պատշաճ իրավական գործընթացների շրջանակում: