Ձեր վստահելի աղբյուրը

Այսօրվա դրությամբ արդեն  իսկ ջրառը  Սևանից  կազմել է 195.6 մլն խ/մ:  Այս մասին տեղեկացրել է Ջրային կոմիտեի նախագահ Ինեսսա Գաբայանը՝ այսօր Ջրային համակարգերի օգտագործման և պահպանության տեխնիկական հանձնաժողովի անցկացրած նիստի ընթացքում։

«Սևանից ջրառն իրականացվում է խիստ հսկողության պայմաններում: Այդ նպատակով,  գիտեք, միջգերատեսչական աշխատանքային խումբ է գործում և մենք գրեթե ամեն  օր մարզեր ենք  այցելում, տեղում պատկերն ավելի հստակ ենք տեսնում: Այն, որ ոռոգման համակարգը վատ վիճակում է, ակնհայտ է և առաջին հերթին դրանով են պայմանավորված մեծ կորուստները, շուրջ 50 տոկոսի չափով: Համակարգում  իրականացվող արդիականացման  ցանկացած աշխատանք ջրամատակարարման բարելավման հետ նաև կորուստներն է նվազեցնում, սակայն դրանք դեռևս շատ քիչ են՝ էապես եղանակ փոխելու համար: Մեր խնդիրն է վերացնել, բացառել մարդկային  գործոնով պայմանավորված կորուստները»,- ասել է կոմիտեի նախագահը:

Ջրային կոմիտեի լրատվական ծառայություն ից հայտնում են, որ օրակարգային հարցերից նիստում անդրադարձ է եղել  Ազատի ջրամբարին: Քննարկվել է հատակային ջրթողի վթարային աշխատանքների նախագծային լուծումների ճշգրտման նպատակով՝ մեռյալ (9.2 մլն մ3) ծավալից ոռոգման նպատակով ջրի թողքեր կատարելու (6-7 մլն մ3) նպատակահարմարության հարցը: