Ձեր վստահելի աղբյուրը

«Ինձ համար մեծ հաճույք և պատիվ է մասնակցել Հայաաստանի ֆուտբոլի ֆեդերացիայի նախագահի ընտրությանը նվիրված  համաժողովին»,-այսօր՝ Հայաստանի ֆուտբոլի ֆեդերացիան նախագահի ընտրության ժամանակ ասաց ՈՒԵՖԱ-ի գործադիր կոմիտեի անդամ Դավոր Շուկերը։

«Առաջին հերթին թույլ տվեք հղել ՈՒԵՖԱ-ի նախագահ Ալեքսանդր Շեֆերինի ուղերձը և ջերմ ողջույները այս համաժողովի մասնակիցներին, ինչպես նաև ՈւԵՖԱ-ի գլխավոր քարտուղար Թեոդոր Թեոդորիդիսի ողջույնները։ Այսօր մենք սկսում ենք մեր միջոցառումների 5-րդ շրջանը, որը կոչվում է «Հեթթրիկ պրոգրամ»։ Այն ՈւԵՖԱ-ի օժանդակող գործիք է՝ նվիրված բոլոր  ասոցիացիաների, ազգային ասոցիացիաների համերաշխությանը։

Այդ ծրագիրը սկսվելու է 2020 թվականից, և յուրաքանչյուր ազգային ֆեդերացիա իրավունք կունենա ստանալ 14.1 միլիոն եվրո՝ 4 տարվա ժամանակահնատվածում, որոն ուղղված կլինի տարբեր ծրագրերի, ներդրումներին և համերաշխությանն ու խրախուսմանը։ Հայաստանի ֆուտբոլի ֆեդերացիան միշտ էլ եղել է ՈւԵՖԱ-ի շարժիչ ուժը և գործընկերը։ Հայաստանը եղել է առաջին պիլոտային երկրներից մեկը, որտեղ իրականացվել է ՈւԵՖԱ-ի բարձրակարգ երիտասարդ խաղացողների զարգացման ծրագիրը, որի նպատակն է ֆուտբոլը ինտեգրել միջնակարգ դպրոցի համակարգում, և ամբողջ երկրում  հնարավորություն տալ, որպեսզի  երիտասարդական ենթակառուցվածքներում լուրջ ներդրումներ իրականացվեն»,- ասաց նա։

Դավոր Շուկերը շեշտեց, որ ներդրումների լավագույն օրինակներից են Ֆուտբոլի ակադեմիան, ֆուտբոլային նոր ակադեմիան Վանաձորում և Հրազդանի սպորտային ավանը Երևանում և մի շարք այլ ծրագրեր։

«Սրանք մի քանի օրինակներ ենք, որոնք ցույց են տալիս, թե ինչպիսի ֆանտաստիկ աշխատանք է կատարվել վերջին տարիներին ՀՖՖ-ի կողմից, մենք, որպես ՈւԵՖԱ, միանգամայն երջանիկ ենք, որ կազմել ենք այդ ամենի մի մասը։ Իհարկե, երբեմն ԶԼՄ-ների ճնշումները այդքան էլ ձեր օգտին չեն խոսում, սակայն մեր պարտավորչությունն է յուրաքանչյուր երեխայի հնարավորություն տալ, որ նա ֆուտբոլ խաղա։ ՀՖՖ-ն միշտ էլ հարգված է եղել եվրոպական ֆուտբոլային համայնքի կողմից՝ շնորհիվ նվիրվածությանը։ Հայաստանի հետ մեր հարաբերությունները միշտ եղել են հոյակապ և հիմնված են եղել համատեղ համագործակցության վրա» ,- ասաց նա։

Ամփոփելով նա ասաց, որ այսօր Հայաստանի ֆուտբոլի համար շատ կարևոր օր է այն առումով, որ ՀՖՖ նախագահ Ռուբեն Հայրապետյանը որոշել է պաշտոնաթող լինել և հնարավորություն տալ այլ թեկնածուներին  շարունակելու այդ աշխատանքը։