Ձեր վստահելի աղբյուրը

Վրաստանն այն տասը երկրների շարքում է, որտեղ տղամարդիկ ոչ ինֆեկցիոն հիվանդություններից մեծ հավանականությամբ կարող են մահանալ մինչև 70 տարեկանը։ Այս մասին, «Գրուզիա օնլայնի» փոխանցմամբ, վկայում են գիտնականների հետազոտությունները։

Վրաստանը 30-70 տարեկան անձանց մահացության ցուցանիշով զբաղեցրել է ութերորդ տեղը։ Փորձագետների գնահատականով, այդ երկրում ուժեղ սեռի 34.9 տոկոս ներկայացուցիչները չեն ապրի մինչև 70 տարեկան։

Իրավիճակն ավելի վատ է Մոնղոլիայում՝ 38.8 տոկոս, Ֆիջիում՝ 36.8 տոկոս, Ղազախստանում՝ 36.8 տոկոս, Թուրքմենստանում՝ 36.7 տոկոս և Ռուսաստանում՝ 36.5 տոկոս։ Տասնյակում հայտնվել են նաև Ուկրաինան, Բելոռուսը, Կիրիբատին և Հյուսիսային Կորեան։

70 տարեկանից բարձր տարիքի հասնելու ավելի մեծ հնարավորություններ ունեն Իսլանդիայի, Շվեյցարիայի, Շվեդիայի,  Նորվեգիայի, Բահրեյնի, Հարավային  Կորեայի, Ավստրալիայի, Ճապոնիայի, Կանադայի և Նոր Զելանդիայի տղամարդիկ։