![](https://panorama.am/news_images/670/2008110_1/2.thumb.jpg)
«Մանկական Եվրատեսիլ»-ում Հայաստանը կներկայացնի L.E.V.O.N-ը
Նախօրեին կայացել է «Դեպի Մանկական Եվրատեսիլ» նախագծի եզրափակիչ փուլը։ Հայաստանը Մինսկում կայանալիք «Մանկական Եվրատեսիլ» միջազգային երգի մրցույթում կներկայացնի L.E.V.O.N-ը` համանուն երգով:
«Հայաստանը Մանկական Եվրատեսիլում» ֆեյսբուքյան էջից տեղեկանում ենք, որ հաղթողը որոշվել է միջազգային պրոֆեսիոնալ ժյուրիի, երեխաների միջազգային ժյուրիի կողմից և հեռուստադիտողների քվեարկությամբ։
Միջազգային պրոֆեսիոնալ ժյուրիի կազմում ընդգրկված են ոլորտի առաջատար մասնագետները, իսկ երեխաների միջազգային ժյուրիի կազմում ՝ «Մանկական Եվրատեսիլ» երգի մրցույթի նախորդ տարիների մասնակիցները։
Հանրային հեռուստաընկերությունից ավելի վաղ հայտնել էին, որ երկու ամիս շարունակ ստեղծագործական խումբը ստանում էր տասնյակ հայտեր ինչպես Հայաստանից, այնպես էլ արտերկրից: Լսումների արդյունքում ընտրվել էին նախագծի 23 մասնակիցները։
Երկու կիսաեզրափակիչներից հետո երզափակիչ փուլ էին անցել 10 մասնակից՝ Վովա, Վարդան Մարգարյան, Լիլի, Էլիզա, L.E.V.O.N, Լիա, Անի, Սերժ Առաքելյան, Անահիտ Առաքելյան, Հարութ Հարությունյան:
Այս տարի «Մանկական Եվրատեսիլ» երգի միջազգային մրցույթը կանցկացվի նոյեմբերի 25-ին Բելառուսի մայրաքաղաք Մինսկում: Մրցույթին մասնակցությունը պաշտոնապես հաստատել է 19 երկիր՝ Հայաստան, Ալբանիա, Ավստրալիա, Ադրբեջան, Բելառուս, Ֆրանսիա, Մակեդոնիա, Վրաստան, Իռլանդիա, Իսրայել, Իտալիա, Ղազախստան, Մալթա, Լեհաստան, Պորտուգալիա, Ռուսաստան, Սերբիա, Նիդեռլանդներ, Ուելս։
Հարակից հրապարակումներ`
- «Դեպի մանկական Եվրատեսիլ 2018» նախագծում Արցախից հանդես կգա 2 մասնակից
- «Դեպի Մանկական Եվրատեսիլի» 12 մասնակիցների մրցութային երգերը
- «Մանկական Եվրատեսիլ» մրցույթին մասնակցելու է ռեկորդային թվով երկրներ
- «Դեպի մանկական Եվրատեսիլ»-ի 23 մասնակիցները
- Ուկրաինան հրաժարվել է մասնակցել «Մանկական Եվրատեսիլին»
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան