Ձեր վստահելի աղբյուրը

Տավուշի մարզի սահմանապահ Բաղանիս գյուղի համար այս օրը պատմական են համարում։  Գյուղապետ Նարեկ Սահակյանը մանրամասնում է. «ԱՄՆ-ում գործող «ՓԱՐՈՍ» հիմնադրամի ֆինանսավորմամբ հիմք դրվեց նոր մանկապարտեզի կառուցմանը»։

Հիշեցնենք, որ Կարեն Կարապետյանի ղեկավարած կառավարությունն այս տարվա ապրիլի 5-ի նիստում որոշում էր կայացրել, ՀՀ Տավուշի մարզի Նոյեմբերյան համայնքին նվիրաբերել Բաղանիս գյուղի համապատասխան հասցեում գտնվող հողամասը՝ մանկապարտեզ և ապաստարան կառուցելու պայմանով:

Ծրագիրը կիրականացնեն «Փարոս» հիմնադրամը և Հայկական կարմիր խաչը: Վերջինս կառուցելու է նոր ապաստարանը, իսկ մանակապարտեզի շենքը կառուցելու է «Փարոս» հիմնադրամը: Ապաստարանի կառուցման բյուջեն կազմում է 6 մլն ՀՀ դրամ, իսկ մանկապարտեզինը՝ 41 մլն ՀՀ դրամ:

Եռացող շինարարությունից լուսանկարներ է հրապարակել Նարեկ Սահակյանն իր ֆեյսբուքյան էջում։