Ձեր վստահելի աղբյուրը

«Եթե ժողովրդի կամքը հակասության մեջ է այս կամ այն քաղաքական շահերի հետ, ապա մենք ուզած-չուզած հայտնվելու ենք քաղաքական ճգնաժամի հորձանուտում»,- ԱԺ-ում այսօր հայտարարեց «Ելք» խմբակցության պատգամավոր Հայկ Կոնջորյանը։

«Պատգամավորի խիղճը պետք է գտնվի ժողովրդի խղճի հետ համահունչ։ Բայց բոլորս գիտենք, որ որոշ պատգամավորների խիղճը ոչ թե ժողովրդի ծոցում է, այլ ինչ-որ մարդկանց գրպանում։ Ժողովուրդը չի ցանկանում, որ պատգամավորների այդ տեսակը շարունակի ներկայացնել իրեն ԱԺ-ում։ Մենք պետք է հաշտվենք այդ իրողության հետ։

Պիտի կարողանանք հասկանալ, որ ժողովուրդը որոշ պատգամավորների չի ցանկանում լիազորել սեփական պատգամը հնչեցնել Ազգային ժողովում, այլ քաղաքական հարթակներում։ Պետք է  լինել առավել թափանցիկ և հրապարակային, ստվերային քաղաքականության մշակույթին պետք է վերջ դրվի»,- ասաց պատգամավորը։