Ձեր վստահելի աղբյուրը

01:17

Բանակցություններն ավարտվեցին: Նիկոլ Փաշինյանն ԱԺ շենքում գտնվող լրագրողներին ասաց. «Այս խոսակցությունը քաղաքական կուլտուրայի առումով է կարևոր, որովհետև նստեցինք, խոսեցինք, շատ նորմալ մթնոլորտ էր, ինձ համար դա կարևոր է»:

Այնուհետև արդեն դրսում հայտարարեց. «Սա իսկապես բոլորովին ուրիշ և նոր փուլ է: Խնդրում եմ գրառումների, մեկնաբանությունների, վանկարկումների մեջ խնդրում եմ անձնական վիրավորանք պարունակող որևէ արտահայտություն չանել՝ որևէ մեկի հանդեպ՝ անկախ որ քաղաքական ուժից է»:
Ներկայացնելով բանակցությունների ընթացքն՝ ասաց, որ իրենք խոսել են քաղաքական ճգնաժամը հաղթահարելու միջոցներից. «Ես ասացի, որ լավ կլինի որ մենք ստորագրենք փաստաթուղթ, որ այսինչ օրը ես հրաժական կտամ, ԱԺ խմբակցություններն առաջին ու երկրորդ փուլերում վարչապետի թեկնածու չեն առաջադրի, որից հետո դեկտեմբերին կլինի արատահերթ ընտրություններ:»:

00:38
Ազգային ժողովի նախագահ Արա Բաբլոյանի աշխատասենյակում  քաղաքական ուժերի միջև բանակցությունները շարունակվում են:

Այս պահին Բաղրամյան-Դեմիրճյան խաչմերուկում  քաղաքացիները շարունակում են հավաքված մնալ:
 

23:02
«Հանգուցալուծումը պատկերացնում եմ, որ մենք համաձայնության կգանք,  արտահերթ ընտրություններ տեղի կունենան, ես հրաժարական կտամ, իսկ իրենք թեկնածու չեն առաջադրի»,- այս մասին քիչ առաջ խորհրդարանում լրագրողների հետ զրույցում ասաց վարչապետ Նիկոլ Փաշինյանը։

Վարչապետը նաև հավելեց. «Կարծում եմ՝ նրանք թեկնածու չեն առաջադրի մարդկանց գրգռելու համար, որովհետև եթե ես հրաժարական տված լինեմ և նրանք վարչապետի թեկնածու առաջադրեն, հասկանո՞ւմ եք՝ մարդկանց կբորբոքեն։ Հույս ունեմ, որ գործընկերներն այս իրավիճակը ճիշտ կգնահատեն»։
Հարցին՝ արդյոք համաձայնագիր կստորագրեն, վարչապետը պատասխանեց. «Վատ չի լինի նաև, եթե համաձայնագիր էլ լինի։ Կարծում եմ, որ բոլոր որոշումները կկայացվեն իրավիճակին համարժեք և համապատասխան»։

22.25
ԱԺ դիմաց` աստիճանների վրա Փաշինյանը բարձրախոսով հայտարարեց. «Շատ կարևոր է, որ հիմա արձանագրենք, թե քիչ առաջ ինչ տեղի ունեցավ Բաղրամյան 19-ում (ԱԺ հասցեն է): Քիչ առաջ այստեղ տեղի ունեցավ այն, ինչ սեպտեմբերի 21-ին Բաղրամյան 26-ում: Այսինքն՝ ԱԺ այգու դռները բացվեցին ժողովրդի առաջ:Նա կոչ արեց, որ որևէ մեկը ներս չմտնի ԱԺ շենքի դռներից:

22:10
Վարչապետ նաև հայտարարեց, որ հրաժարան կտա և ներկայացրեց դրա ընթացակարգը. «Նախ, որ որևէ մեկը չմտածի, թե ես կառչած եմ այս պաշտոնից։  Հրաժարակից հետո ութերորդ օրը Ազգային ժողովը պետք է ընտրի նոր վարչապետ։ Եթե այդ ընթացքում չընտրի նոր վարչապետ, պետք է ևս յոթ օր անցնի ու պլյուս մեկ օր անց ընտրի նոր վարչապետ, իսկ եթե ընտրի նոր վարչապետ, ուրեմն ընտրեց նոր վարչապետ։ Եթե այս դեպքում էլ չընտրվի վարչապետ՝ կլինեն արտահերթ ընտրություններ»։ Այնուհետև Փաշինյանը հայտարերեց, որ Դեմիրճյան փողոցով գնում է Ազգային ժողովի շենք՝ այնտեղ գտնվող քաղաքական ուժերի ու պատգամավորների հետ բանակցություններ վարելու նպատակով. «Ես կգնամ, մուտք կգործեմ ԱԺ տարածք, որպեսզի բանակցեմ նաև այնտեղ գտնվող պատգամավորների ու քաղաքական ուժերի հետ՝ ստեղծված քաղաքական իրավիճակը հաղթահարելու վերաբերյալ»։

21:29
Գիտությունների ազգային ակադեմիայի հարթակից վարչապետ Նիկոլ Փաշինյանն ասաց. «Մենք հիմա կճշտենք տեղեկատվությունը այդ նախագծին կողմ քվեարկած պատգամավորների և քաղաքական ուժերի մասին, և այսօր արդեն, հիմա արդեն կարող ենք ասել, որ այդ քվեարկությամբ, այդ օրենքի նախագիծը շրջանառության մեջ դնելով ՀՀԿ-ն և նրանց աջակցող ուժերը Հայաստանում պաշտոնապես հայտարարել են հակահեղափոխություն»։

Վարչապետի խոսքով՝ բոլորն էլ տեսնում են, որ նրանց մոտ հակահեղափոխությունը չի ստացվի. «Հակահեղափոխոթյունը ՀՀ-ում ուժ չունի, որովհետև  ժողովուրդը հաղթել է, և այդ հաղթանակը նրա ձեռքից ոչ ոք չի կարող առնել: Հայաստանի քաղաքական դաշտից պետք է արմատախիլ անել այն ուժերը, որոնք աջակցել են հակահեղափոխությանը»։«Մենք արտահերթ ընտրություններ կունենանք նոյեմբերի վերջ դեկտեմբերի սկզբին»,- հայտարարեց Նիկոլ Փաշինյանը։

Նա ասաց,  թե ավագանու ընտրությունների ժամանակ ինքն ասել էր, թե նրանք, ովքեր կողմ են արտահերթ ընտրությունների, պետք է քվեարկեն «Իմ քայլը» դաշինքին ու դաշինքը 80 տոկոս ձայն հավաքեց. «Սա նշանակում է, որ ԱԺ արտահերթ ընտրությունները պետք է տեղի ունենան անհետաձգելիորեն»։