Ձեր վստահելի աղբյուրը

Հոկտեմբերի 11-12-ին Երևանում կայացած Ֆրանկոֆոնիայի 17-րդ գագաթնաժողովն ամփոփվեց մամուլի ասուլիսով, որին մասնակցում էին ՀՀ ԱԳ նախարար Զոհրաբ Մնացականյանը , ֆրանսիայի պետնախարար Ժան Բապտիստ Լեմուանը, ՖՄԿ նորընտիր գլխավոր քարտուղար Լուիզ Մուշիկիվաբոն, ՖՄԿ ադմինիստրատորը և  Թունիսի ԱԳ նախարարը՝ որպես հաջորդ գագաթնաժողովը հյուրընկալող երկրի ԱԳ նախարար, որը պետք է տեղի ունենա 2020թ․-ին։

«Հայ ժողովուրդը մեծ հպարտություն է զգում այդչափ կարևոր միջոցառման բեմահարթակ լինելու ու դրա մեծ հաջողությունը տոնելու համար։ Հայ ժողովուրդը հավատարիմ իր հյուրընկալության ավանդույթներին ընդունեց 5 մայրցամաքներից հյուրերին»,-ասաց ՀՀ ԱԳ նախարար Զոհրաբ Մնացականյանը՝ խոսելով նաև այն տխրության մասին, որ համակեց մեզ Ազնավուրի մահվան կապակցությամբ։

ՀՀ ԱԳ նախարարը նշեց, որ մեր հիշողության մեջ կմնան այն ամենը, որ Ֆրանկոֆոնիայի ավանի շնորհիվ Երևանը դարձավ մշակութային բազմազանության կենտրոն։

Խոսելով ընդունված փասաթղթերի մասին՝ ԱԳ նախարարը նշեց Երևանյան հռչակագիրը, որը ուղենիշ է լինելու նաև առաջիկայում ՖՄԿ աշխատանքների համար։  Զոհրաբ Մնացականյանը խոսքերով, որպես Ֆրանկոֆոնիայում նախագահող երկիր Հայաստանը նախագահության ընթացքում կիրականացնի մի շարք նախաձեռնություններ նաև այլ կազմակերպությունների հետ, ինչպիսն է նաև ԵԽ-ն։

ԱԳ նախարարը նաև շնորհավորեց Լուիզ Մուշիկիվաբոյին ընտրության կապակցությամբ, շնորհակալություն հայտնեց Միկաել Ժանին՝ արված աշխատանքի համար ։