Ձեր վստահելի աղբյուրը

««Մարտի 1»-ի գործն ակտիվ փուլում է»,- լրագրողների հետ զրույցում նշեց ՀՔԾ պետ Սասուն Խաչատրյանը:

Նա նշեց, որ ակտիվ քննչական գործողություններ են կատարվում ամենօրյա ռեժիմով:

«Երբ կարիքը զգանք հրապարակելու, կհրապարակենք»,-հավելեց ՀԾՔ պետը։

Պատասխանելով գործարար Սամվել Մայրապետյանին վերաբերվող քրեական գործի մասին հարցին՝ արդյո՞ք այն կապ ունի «Մարտի 1»-ի գործի հետ, Ս. Խաչատրյանն ասաց.  «Որքան տեղյակ եք արդեն պաշտպանների հրապարակած տվյալներից, մեղադրանքը վերաբերում է կաշառք ստանալուն օժանդակելուն: Դրանից ավելի բան ես չեմ կարող ասել գործի շահերից ելնելով: Պաշտպանն արդեն իսկ հրապարակել է, որ խոսքը 2008 թվականի մասին է»:

Հիշեցնենք, որ գործարար Սամվել Մայրապետյանին մեղադրանք է առաջադրվել ՀՀ Քրեական օրենսգրքի 38-311-րդ  հոդվածի  (Կաշառք ստանալուն օժանդակելը)  հատկանիշներով: Գործարարը կալանավորվել է հոկտեմբերի 9-ին։