Ձեր վստահելի աղբյուրը

«Դաշնակցությունը վաղուց է հայտարարել, որ յոթ հոգով վարչապետի թեկնածու առաջադրելը անիմաստ զբաղմունք է։ Պետք  է քաղաքական զարգացումների հետ կապված տրամաբանություն գոյություն ունենա։ Յոթ հոգով թեկնածու առաջադրելը լուրջ չէ»,- այսօր խորհրդարանում լրագրողների հետ զրույցում ասաց ՀՅԴ խմբակցության ղեկավար Արմեն Ռուստամյանը։

«Մենք երբեք էլ չենք պատրաստվել։ 2017 թվականի ընտրություններից հետո ՀՅԴ-ն թեկնածու չի պատրաստվել առաջադրել, որի մասին բազմիցս ասել ենք, որի պատճառով էլ չենք առաջադրել»,- ասաց նա։

Հարցին՝ իրենք կողմնակից են, որպեսզի ԱԺ մուտք գործեն չորս, թե երեք քաղաքական ուժեր, Ռուստամյանը պատասխանեց՝ իրենք կողմ են, որ ընտրույթւններն անցկացվեն նորմալ պայմաններում։

«Ժողովուրդն ինչպես կորոշի, թղ այդպես էլ լինի՝ չորս, տասնչորս, դա ժողովրդի որոշելիք հարցն է»,- ասաց նա՝ հավելելով, որ դեռ հստակություն չկա՝ ինչ ձաչափով է ՀՅԴ-ն մասնակցելու առաջիկա ընտրություններին։

Նրա խոսքով, եթե ընտրությունները տեղի են ունենում, ապա պետք է կայանան կառավարության ծրագրի տրամաբանությանը համապատասխան:

«Եթե այս ծրագրում գրվել էր, որ խորհրդարանակա ընտրությունները պետք է ացկացվեն մինչ մեկ տարում, հենց այնպես չէր գրված: Կան քայլեր, որոնք պետք է կատարվեն, և դրանց համար մեկ տարին լիուլի բավարար է: Բայց, եթե ասում են, որ դեկտեմբերը մեկ տարի է, մայիսն էլ է մեկ տարի,բայց դեկտեմբերի մի տարին տրամաբանության մեջ չի մտնում: Դեկտեմբերին անցկացնելը շատ հապշատպ, ափալ-թափալ կլինի: Ծրագրի մեջ առանձին գլուխ նվիրված է ընտրություններին, որի համար պետք է արվի երկու հստակ քայլ` նոր Ընտրական օրենսգրքի ընդունում, ոստիկանության ենթակայության փոխանցում կառավարությանը»,-շեշտեց Ռուստամյանը` նկատելով, որ միայն դրանից հետո պետք է բխեր արտահերթ խորհրդարանական ընտրությունների անցկացման ժամկետը:

Պատգամավորը հավաստիացրեց, որ ՀՅԴ-ն, այսօր չլինելով կառավարությունում, պաշտպանում է կառավարության ծրագիրը:

«Ընտրական օրենսգրքի հետ կապված մենք ունենք մեր մոտեցումները, կոնսենսուսով առաջարկներ ենք ուղարկել, պետք է տեսնենք, թե որքանով են ընդգրկված նոր Ընտրական օրենսգրքում: Եթե մենք ԸՕ-ն փոխում ենք ամենասեղմ ժամկետներում, այն ուժի մեջ պետք է մտնի նոյեմբերին, ինչից անմիջապես հետո` դեկտեմբերին ընտրությունների անցկացումը նորմալ չի համարում: Բայց մեզ մոտ դա նորմալ է համարվում»,- ասաց խորհրդարանակնը։
Հացրին` արդյոք ինքը ՀՅԴ-ին տեսնում է նոր խորհրդարանում, Արմեն Ռուստամյանը պատասխանեց՝ դա խնդիր չէ։

«Դաշնակցությունն այս երկրում եղել է։ Եղել է, որ ՀՅԴ-ն միայն  մեկ պատգմավոր է ունեցել ԱԺ-ում, բայց միևնույն է, եղել է: Թող մյուս քաղաքական ուժերը մտածեն, որ մի անձի շուրջ են ստեղծվել: ՀՅԴ-ի գաղափարական  քաղաքական հիմքը քանի կա, այն լինելու է, և բոլորը պետք է հաշվի նստեն այդ փաստի հետ՝ որքան էլ ոմանց ՀՅԴ-ն դուրը գա կամ չգա»,-ասաց պատգամավորը:

Անդրադառնալով իրենց տեսակետը հուշագրով ամրագրելու վերաբերյալ հարցին` ՀՅԴ խմբակցության ղեկավարն ընդգծեց` ինքնանպատակ հուշագրեր ստորագրելու խնդիր չեն տեսնում:

Նա հիշեցրեց` իրենք հինգ խնդիր են դրել, որի շուրջ էլ վարչապետ Նիկոլ Փաշինյանի հետ իրենց համագործակցությունը սկսվել է:

Դիտարկմանը, որ ՀՅԴ-ն, հուշագիր ստորագրած չլին ելու պարագայում, կարող է սատարել ՀՀԿ-ի վարչապետի հնարավոր թեկնածուին, Արմեն Ռուստամյանը շեշտեց. «Ոչ, մենք մեր խնդիրներն ու ծրագրերն ունենք։ Մենք որևէ մեկի ասածով չենք առաջնորդվելու»։