Ասանժին ստիպել են կատու խնամել

Հասարակություն 13:14 16/10/2018 Աշխարհում

Ասանժին ստիպել են կատու խնամել

Լոնդնոնում Էկվադորի դեսպանատունը պահանջել է WikiLeaks-ի հիմնադիր Ջուլիան Ասանջին խնամել իր կատվին, այլապես կենդանուն կառգրավեն և կտանեն ապաստարան։ Լենտա.ռու-ի հաղորդմամբ՝ այս մասին հայտնում է Associated Press-ը՝ հղում անելով բնակության կարգապահական կանոններին, որոնք ուժի մեջ են մտել հոկտեմբերի 13-ից։

9 էջանոց փաստաթուղթը նկարագրում է վարքի կանոնները, որոնց Ասանժը պետք է հետևի դեսպանատան տարածքում, որտեղ նա ապրում է վերջին վեց տարին։ Բացի կատվին խնամելուց, Ասանժը պետք է լոգարանը մաքուր պահի, չխառնվի այլ պետությունների ներքին գործերին և չշոշափի թեմաները, որոնք կարող են վնասել Էկվադորի դիվանագիտական շահերին:

Բացի այդ, դեսպանատունը սահմանափակել է այցելությունները։ Ասանժին այցելողները պետք է երեք օր առաջ գրավոր հարցում ուղարկեն։ Դեսպանատան կողմից ցանկացած հարցում կարող է մերժվել առանց բացատրության։ Բացառություն են կազմում բժիշկները, եթե Ասանժին անհրաժեշտ լինի բժշկական օգնություն։

Եթե Ասանժը չհետևի այդ պահանջներին, նրան կզրկեն ապաստանից և կհանձնեն Բրիտանիայի իշխանություններին։ Ընդհակառակը, եթե նա հետևի կանոններին, հնարավոր է թույլ տան օգտվել ինտերնետից, որն անջատել էին այս տարվա մարտին այն հրապարակումների պատճառով, որոնք վերաբերում էին այլ երկրների քաղաքականությանը:

2018 թվականին դեսպանատունը ցանկացել է վտարել Ասանժին նրա սովորությունների և հիգիենիայի տարրական կանոնները չպահպանելու պատճառով։ Դեսպանատան աշխատակիցները բողոքել էին, որ նա չի լողանում, չի փոխում հագուստը, ուտում է ձեռքերով և մատները մաքրում տաբատով։

2012-ի ամռանը Ասանժը ապաստան էր խնդրել Էկվադորի ԱԳՆ-ից, որպեսզի խուսափի Շվեդիա արտահանձնումից, որտեղ նա մեղադրվում էր սեռական բնույթի հանցագործությունների մեջ, կամ ԱՄՆ, որտեղ նա կարող էր բանտարկվել լրտեսության համար:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: