Ձեր վստահելի աղբյուրը

Միջագային փորձ վկայում է, որ երեխայի ծննդյան նպաստի բարձրացումն այդքան էլ ուժեղ ազդեցություն չի թողնում ծնելիության մակարդակի վրա։ Լրագրողների հետ հանդիպմանն ասաց ՄԱԿ-ի Բնակչության հիմնադրամի «Օժանդակություն բնակչության հարցերով քաղաքականությունների իրականացմանը» ծրագրի համակարգող Աննա Հովհաննիսյանը՝ ներկայացնելով ՄԱԿ-ի Բնակչության հիմնադրամը կներկայացնի «Աշխարհի բնակչությունը» ամենամյա զեկույցը։ 

Պատասխանելով հարցին, թե արդյո՞ք Հայաստանի կառավարության կողմից արվող քայլերը, մասնավորապես երկրորդ երեխայի ծննդյան միանվագ նպաստի բարձրացում, առհասարակ նպաստների բարձրացում, խթանելու է ծնելիությանը, նա ասաց. «Հայաստանի նման փոքր երկրի համար, մեր գնահատմամբ, բավականին թանկ հաճույք է երեխայի նպաստը բարձրացնելը։ Դրա փոխարեն կարելի է իրականացնել շատ այլ քաղաքականություններ, որտեղ կամրապնդվի կնոջ դերը, կնոջ իրավունքն ու ընտրությունը, որ կինն ինքն որոշի՝ երբ ունենա երեխա և քանի երեխա ունենա, կանայք կարողանան համատեղել աշխատանք և ընտանիք հասկացությունները»։

Նա նաև նշեց, որ  երեխաների խնամի հաստատությունների հետ կապված խնդիր կա Հայաստանում, հատկապես աշխատաժամերի։

«Դպրոցներում, մանկապարտեզներում ավելի շուտ են երեխաները ավարտում, իսկ աշխատանքային ժամերը մեզ մոտ սահմանաված է միջնում 9-ից 18-ը։

Այս հարցերի վրա է պետք ուշադրություն դարձնել»։