Ձեր վստահելի աղբյուրը

«Ընտրական օրենսգրքում  առաջարկվող փոփոխությունների նպատակն է  հնարավորություն ստեղծել ավելի մրցակցային կուսակցական համակարգի, ստեղծել ավելի ներկայացուցչական քաղաքական ինստիտուտ, նախադրյալներ ստեղծել ավելի հավասար պայմաններում գաղափարները ներկայացնելու և քվեի համար պայքարելու համար»,- «Մեդիա կենտրոնում» «ՀՀ «Ընտրական օրենսգրքի» փոփոխությունները և հնարավոր ազդեցությունը ընտրական գործընթացների որակի վրա» թեմայով քննարկմանն ասաց   ՀՀ վարչապետին առընթեր Ընտրական օրենսգրքի բարեփոխումների հանձնաժողովի անդամ Համազասպ Դանիելյանը։

Նա նշեց, որ հեռու է այն մտքից, որ այս նախագծում լուծում են ստացել շատ-շատ խնդիրներ. «Սա անձնական տեսակետս է։  Կարծում եմ, որ ժամանակային սղության պատճառով և այլ հանգամանքների բերումով կարողացել ենք անդրադառնալ միգուցե ամենահրատապ մի քանի հարցերի։ Միշտ չէ, որ բոլոր լուծումներն ամենալավն են։ Վստահ եմ, որ ընդունելու պարագայում շատ ավելի լավ պայմաններում են իրականացվելու ընտրությունները թե քաղաքական ուժերի, թե կազմակերպման, թե ցուցակների մասնակի մաքրման տեսակետից»։

Համազասպ Դանիելյանի ներկայացմամբ, Ընտրական օրենսգրքում կատարված փոփոխություններով առաջարկվում է Հայաստանում իրականացվի ամբողջական պարզ համամասնական ընտրակարգ։

Քննարկմանը ներկա ՀՀ վարչապետին առընթեր Ընտրական օրենսգրքի բարեփոխումների հանձնաժողովի անդամ Վարդինե Գրիգորյանն ասաց, առաջարկվող փոփոխություններն իրենց էական ազդեցությունը կունենան։ Նրա կարծիքով, ամենակարևոր հարցը կանանց մասնակցության երաշխիքների ապահովումն է, կան որոշակի կարգավորումներ հաշմանդամություն ունեցող անձանց քվեարկությունն ապահովելու համար, կարևոր կարգավորումները, որոնք կապված են զինված ուժերի համար։

«Քաղաքացու ազատ քվեի ապահովմանն ուղղված բոլոր գործողությունները էական են»,- հավելեց նա։

Վ.Դանիելյանի խոսքով, կուսակցություների համար բավականին բարենապստ իրավիճակ է  ստեղծվել՝  ընտրական գրավի շեմի նվազեցում, անցողիկ շեմի նվազեցում։

Հ. Դանիելյանի խոսքով, ԸՕ-ում  շատ էական դրույթներ կապված էին Սահմանադրության հետ, իսկ հաշի առնելով, որ Սահմանադրությունը փոխելու հնարավորություն չունեն, այդ փոփոխությունները չեն իրականացրել։