Համաներման քայլը որևէ առնչություն չունի նախընտրական շրջանի հետ. Զեյնալյան

Իրավունք 18:19 19/10/2018 Հայաստան

Համաներման քայլը որևէ առնչություն չունի նախընտրական շրջանի հետ. Զեյնալյան

«Հայաստանում այսօր քրեակատորաղական հիմնարկների ծանրաբեռնվածության խնդիր չկա, այս կառավարությունը, արդարադատության նախարարությունը, մենք այս խնդիրն այլևս լուծել ենք»,- այս մասին այսօր խորհրդարանում լրագրողների հետ զրույցում ասաց ՀՀ արդարադատության նախարարի ժամանակավոր պաշտոնակատար Արտակ Զեյնալյանը։

«Չկա մեկը, որ քնելու տեղ չունի և հերթով են քնում։ Այսօր քրեակատորաղական հիմնարկներում կալանավորների և դատապարտյալների քանակը հասնում է 2930-2940 այդպիսի ցուցանիշ չի եղել, նրանց թիվը եղել է 3800 և ավելի», - նշեց նախարարի պաշտոնակատարը։

Նրա խոսքով՝ համաներման նպատակը քրեակատարողական հիմնարկների բեռնաթափումը չէ. «Մենք «ավելցուկ» չունենք դատապարտյալների կամ կալանավորների, սա համաներում է, սա մարդասիրական ակտ է, ակցիա է, որն իրականացվում է այս իրադարձությունների լույսի ներքո։ Կառավարությունը հանրության անունից է այս ժեստն անում»:

Լրագրողների հետաքրքրվեցին թվից՝ ինչին ի պատասխան ասաց. «Թվի վերաբերյալ իրավունք չունի որևէ բան հայտարարելու,քննարկումը փակ է, բայց ինչպես ասացի՝ շատ մեծ, ընդարձակ և մարդասիրական համաներում է»:

Մեկ այլ հարցի, թե դա ինչու է արվում նախընտրական ժամանակահատվածում, նախարարի պաշտոնակատարն ասաց. «Բացառում եմ, այս քայլը որևէ առնչություն չունի նախընտրական շրջանի հետ և նախարար նշակվելուց տասն օր հետո նախագիծը պատրաստ է եղել, ամբողջը վերլուծվել, քննարկվել է դրա նպատակահարմարության և իրագործելության տեսանկյունից»:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: