Ձեր վստահելի աղբյուրը

Տեսողության հետ կապված աննշան խնդիրն իտալացի հայտնի նկարիչ Լեոնարդո դա Վինչիին օգնել է նրան նկարել «Մոնա Լիզայի» («Ջոկոնդա») ժպիտը, նաև ստեղծել այլ գլուծգործոցներ։ ՏԱՍՍ-ը, հղում անելով The Guardian-ին, գրում է, որ նման եզրակացության են եկել Լոնդոնի Սիթի համալսարանի օպտոմատիկայի և տեսողության գիտական  դպրոցի փորձագետները:

Ուսումնասիրելով տարբեր վարպետների վեց աշխատանք, այդ թվում նաև դա նկարչի վրձնին պատկանող երկու կտավ՝ «Հովհաննես Մկրտիչ» և «Աշխարհի փրկիչը», որոնցում, ինչպես ենթադրում են փորձագետները, հենց դա Վինչին ինքն իրեն է պատկերել, գիտնականները եկել են եզրակացության, որ նկարիչն ունեցել է շլություն, ինչից նրա նկարները դարձել են ավելի տպավորիչ։

Աչքի նման խնդիրը, մասնագետների կարծիքով, օգնել է նկարչին ավելի լավ կենտրոնանալ հարթ մակերեսների վրա անմիջապես  մոտ գտնվելով դրան։

Նշվում է, որ մի շարք հայտնի նկարիչներ ունեցել են շլություն՝ հինվելով նրանց ինքնադիմանկարների վրա։ Նրանց թվում է Ռեմբրանդը, Դյուրերը, Դեգան, Պիկասոն, Գվերչինոն։ Նրանց թվին, ուսումնասիրողների խոսքով, կարելի է դասել նաև Լեոնարդո դա Վինչիին։

Համարվում է, որ շլության մի քանի ձև օգնում են գեղարվեստական ստեղծագործության վրա աշխատելիս։