Ձեր վստահելի աղբյուրը

ՀՀ վիճակագրական կոմիտեի հրապարակած տվյալների համաձայն՝ 2018  թվականի հունվար-սեպտեմբերին նախորդ տարվա նույն ժամանակահատվածի համեմատ տնտեսական ակտիվության ցուցանիշն աճել է 6.5%-ով։ Սեպետմբերի ՏԱՑ-ն էլ  օգոստոսի նկատմամբ կազմել է 8.5%, իսկ նախորդ տարվա նույն ամսվա՝ սեպտեմբերի համեմատ՝ 0.2%:

Ըստ ԱՎԾ-ի՝ արդյունաբերական արտադրանքի ծավալն այս տարվա հունվար-սեպտեմբերին աճել է 4%-ով, 2017թ-ի սեպտեմբերի համեմատ՝  0.9%-ով, իսկ նախորդ ամսվա՝ օգոստոսի համեմատ՝ 0.6%-ով:

Էլեկտրաէներգիայի արտադրության ոլորտում էլ աճը կազմել է  0.5%,  շինարարության ոլորտում՝  7.6%:

Ըստ վիճակագրական կոմիտեի` առևտրաշրջանառության ծավալներն այս տարվա 9 ամիսներին նախորդ տարվա նույն ժամանակահատվածի համեմատ աճել են 9.6%-ով,  ծառայությունների ծավալը (առանց առևտրի)՝ 19.1%-ով:

Ինչ վերաբերում է սպառողական գներին, ապա այս տարվա հունվար-սեպտեմբերին գները նախորդ տարվա նույն ժամանակահատվածի համեմատ աճել են 2.6%-ով:

Վիճակագրության համաձայն՝  այս տարվա 9 ամիսներին հանրապետությունում  գյուղատնտեսության համախառն արտադրանքի ծավալը նախորդ տարվա հունվար-սեպտեմբերի համեմատ նվազել է 4.8 տոկոսով:

Ինչ վերաբերում է արտաքին առևտրաշրջանառությանը, ապա հունվար-սեպտեմբերին նախորդ տարվա նույն ժամանակահատվածի համեմատ այն աճել է 22.4%-ով,  ընդ որում` արտահանումն ավելացել է 11.6 %-ով,  ներմուծումը՝ 28.6%-ով:

Վիճակագրական կոմիտեի հրապարակած տվյալների համաձայն՝ հունվար-սեպտեմբերին հանրապետական միջին ամսական անվանական աշխատավարձն աճել է 4.3 %-ով, իսկ տարեկան կտրվածքով` 2.8%-ով, իսկ ամսական կտրվածքով՝ սեպտեմբերը օգոստոսի նկատմամբ՝ 0.8%-ով: