Ձեր վստահելի աղբյուրը

Հայտնի է՝ ինտերնետ խանութներից գնած ապրանքների որակի, տեսքի խնդիրներ շատ են լինում, պատվիրում են մի ապրանք, ստանում պատվիրվածից տարբերվող  ապրանք։ Թվում է, թե գոնե գնի հարցը պիտի կարգավորված լինի, բայց պարզվում է՝ ոչ:  Հաճախ լուսանկարը, որը գովազդվում է ինտերնետ-խանութում, մի գին է ցուցադրված, իսկ գնման ընթացքում պարզվում է, որ այդ գինը արդեն «չի աշխատում»՝ ապրանքն ավելի թանկ է:

Ելնելով այն բանից, որ հանրային գովազդը ինքնին պայմանագիր է, արդյո՞ք գնորդը իրավունք ունի պահանջել ապրանքը իրեն վաճառել այն գնով, որով ներկայացված է, և ի՞նչ ուղիներ կան դրան hասնելու: Այս հարցերի վերաբերալ Panorama.am-ը զրուցեց փաստաբան Անի Թորոսյանի հետ։

«Հարցը երկու մասից է բաղկացած։ Նախ՝ գնորդի իրավունքն իրականում խախտվո՞ւմ է, թե՞ չի խախտվում։  Պատասխանը միանշանակ է՝ խախտվում է։ Եթե գնորդին ներկայացվում է մի գին, գնորդը հրապարակային առաջարկին է արձագանքում, ապրանքը վերցնելու պատվեր է ներկայացնում, միանաշնակ գնորդն իրավունք ունի այդ գնով ձեռք բերել ապրանքը։

Երկրորդ մասը՝ ի՞նչ կարող է անել գնորդը, ինչպե՞ս պաշտպանվել։

Շատ դեպքերում դա կախված է լինում ապրանքի գնի չափից և ինչքան հետևողական կլինի գնորդը, որպեսզի ապացուցի իր իրավունքի խախտումը։ Ցավոք, լինում են այնպիսի փոքր գնի վեճեր, այդ դեպքում  ուղղակի անձիք չեն ուզում ավելորդ վեճ ստեղծել, այսինքն նպատակահարամրությունը՝ արժի դրանով հայց հարուցել, թե ոչ»,- ասաց փաստաբանը։

Ա. Թորոսյանի խոսքով, որպես ապացույց կարող է լինել սքինշոթը, որը հաստատվի նոտարական կարգով, նաև եթե նամակագրություն է եղել գնորդի ու տվյալ ինտերնետ-խանութի միջև, հենց այդ նամակագրությունը։  

Սա ամենևին չի նշանակում, որ հիմա էլ պիտի որևէ գին չգրեն լուսանկարների մոտ: