Ձեր վստահելի աղբյուրը

Լեհաստանում ավարտին է մոտենում Եվրոպայի ծանրամարտի երիտասարդական առաջնությունը: Հայաստանի պատվիրակ Արսեն Մարտիրոսյանը /105 կգ/ մինչև 20 տարեկանների պայքարում, երկամարտի 366կգ արդյունքով /165կգ + 201կգ/ գրավել է երրորդ տեղն ու արժանացել բրոնզե մեդալի:

ՀԱՕԿ լրատվական բաժնից հայտնում են նույն տարիքային խմբում, ծանրքաշայինների մրցավեճում /+105կգ/ Վարազդատ Լալայանը պոկել է 184կգ, հրել է 222 կգ և երկամարտի 406 կգ արդյունքով հինգերորդ արծաթե մեդալը պարգևել է Հայաստանի հավաքականին:

Այսօր մինչև 23 տարեկանների մրցաշարում ելույթ կունենան Տաթև Հակոբյանը /90 կգ/ և մեր անվանի գերծանրքաշային Սիմոն Մարտիրոսյանը: Ի դեպ, նա, նախօրյակին բրոնզե մեդալ նվաճած 105 կգ քաշային Արսեն Մարտիրոսյանի ավագ եղբայրն է:

Աղջիկների մրցումները կսկսվեն Երևանի ժամանակով 11.00-ին, տղաներինը` 15.00-ին։