Ձեր վստահելի աղբյուրը

Այսօր Երևանի ավագանու արտահերթ նիստում Երևանի առաջին փոխքաղաքապետ Հրաչյա Սարգսյանը համառոտ ներկայացրեց իր կենսագրությունը։

Նա ընդգծեց, որ արդյունավետ բարեփոխումների կատարման համար ինքն առաջնորդվելու է ՄԱԿ-ի զարգացման ծրագրերի փասըաթղթերի փաթեթում ընդգրկված լավ կառավարման սկզբունքներով, որոնք են մասնակցությունը, օրենքի գերակայությունը, թափանցիկությունը, արդյունավետությունը, օպերատիվությունը, ռազմավարական տեսլականի առկայությունը և հաշվետվողականությունը։

«Կարծում եմ՝ այս մոտեցումները թույլ կտան իրականացնել ինստիտուցիոնալ փոփոխություններ, որոնք միտված կլինեն քաղաքի երկարաժամկետ զարգացմանը և կախված չեն լինի անձերից»,- ասաց նորընտիր փոխքաղաքապետը։

Ավագանու անդամները հետաքրրքվեցին՝ հատկապես ո՞ր ոլորտն է նա համակարգելու, ինչին ի պատասխան՝ Հրաչյա Սարգսյանը նկատեց՝ վերջնական որոշում դեռևս չի կայացվել։

Երևանի քաղաքապետ Հայկ Մարությանն իր հերթին նկատեց, որ փոխքաղաքապետերի կառավարման տրամաբանությունը մնում է  գրեթե նույնը, սակայն կլինեն որոշակի փոփոխություններ։