Ձեր վստահելի աղբյուրը

Արքայազն Հարիի կինը՝ Մեգան Մարքլը խոսել է երիտասարդների համար «Ինստագրամ»-ի վտանգավորության մասին։ «Գազետա.ռու»-ն գրում է, որ այս մասին նա արտահայտվել է Նոր Զելանդիայում երիտասարդների առցանց ծրագրի աշխատակիցների և կամավորների հետ հանդիպման ժամանակ։

Մարքլն ընդգծել է, որ օգտատերերի ինքնագնահատականը դառնում է իրականությանը ոչ համապատասխան, երբ այն կախված է միայն «լայքերից»: Նա նաև հավելել է, որ «հավանել» նշումը ոչ միշտ է արտահայտում մարդկանց իրական վերաբերմունքը։

Նա նշել է, որ լուսանկարներում տարբեր ֆիլտրեր հաճախ են կիրառվում և ոչ միշտ ես կարողանում հասկանալ՝ արդյո՞ք մարդը հենց այդպիսի տեսք ունի։

Ինքը՝ Մարքլը որոշել է հրաժարվել սոցցանցերից։

Արքայազն Հարրին ևս խոսել է սոցիալական ցանցերի ազդեցության մասին` շեշտելով, որ ծնողները կրթության կարիք ունեն այս ոլորտում այնպես, ինչպես իրենց երեխաները։