Ձեր վստահելի աղբյուրը

ՊԵԿ մաքսանենգության դեմ պայքարի վարչությունը ԱԱԾ և ոստիկանության հետ սերտորեն համագործակցության արդյունքում բացատայտել է ոչ միայն մաքսանենգների, նաև հանցագործության մեջ ներգրաված ամբողջ խմբեր, զենք զինամթերք, թմրանյութերի մաքսանենգության դեպքեր։ Լրագրողների հետ հանդիպմանն ասաց ՊԵԿ մաքսանենգության դեմ պայքարի վարչության պետ Վարդան Վարդանյանը՝ ներկայացնելով հունվար-հոկտեմբերին կատարված աշխատանքը։

Հայտնաբերված դեպքերից ամենաուշագրավը, նրա ներկայացմամբ,  սոցիալական կայքերում թմրանյութերի վաճառով զբաղվող հայտնի խումբ էր, հայտնաբերել են 600 գրամ հաշիշ և 20 գրամ այլ տեսակի թմրանյութ։ Կանխարգելիչ միջոցառումների արդյունքում կանխվել է մաքսային  իրավախախտումների 126 դեպք, 70-ով հարուցվել են քրեական գործեր։

Տասը ամիսներում հայտնաբերել են թմրամիջոցների և հոգեմետ նյութերի մաքսանենգության աննախադեպ  խմբաքանակներ, այդ թվում նաև թմրանյութերի պարունակությամբ քաղցրավենիքներ։ Կանխվել են թմրանյութերի արտահանման դեպքեր։

Թմրամիջոցների և հոգեմետ նյութերի բավականին շատ խմբաքանակ հայտնաբերել են  փոստային առաքանիներում։ Մասնավորապես, փորձ է արվել ԱՄՆ-ից ներմուծել հաշիշի յուղ պարունակող էլեկտրոնային ծխախոտներ, Եվրոպայից՝ հոգեմետ նյութ և թմրանյութ պարունակող դեղահաբեր:

Վ. Վարդանյանն ընդգծեց, որ ՀՀ-ում թմրամիջոցների մաքսազերծում չկա, դրանք բերվում են մաքսանենգ ճանապարհով ու քրեորեն պատժելի են, հնարավոր բոլոր փորձերը փորձում են կանխել։