Ձեր վստահելի աղբյուրը

«Այսօր ինձ զանգահարել են Վանաձորի քրեակատարողական հիմանարկից և հայտնել, որ հացադուլ են հայտարարելու։ Երեկ զանգահարել են «Արմավիր» ՔԿՀ-ից, մոտ 40 դատապարտյալ պատրաստվում է նստել հացադուլի։ Հորդորել եմ չնստել։ Նախօրեին Նուբարաշենում էի, 11 ցմահ դատապարտյալ նստել էր հացադուլ, մեկ այլ դատապարտյալ կարել էր աչքերը, հորդորել եմ դադարեցնել ինքնավնասումները՝ մինչև հասկանանք՝ կարողանո՞ւմ ենք ինչ-որ ճանապարհով օգնել»,- այսօր խորհրդարանում լրագրողների հետ զրույցում ասաց «Ծառուկյան» խմբակցության պատագամ,ավոր Նաիրա Զոհրաբյանը՝ անդրադառնալով ցմահ դատապարտվածների նկատմամբ համեներման չկիրառման թեմային։

«Մենք չենք կարող ցմահ դատապարտվածների դեպքում համաներում կիրառել, բայց մենք կարող ենք ռեժիմ փոխել, խիստ փակ ռեժիմից տանել կիսաբաց ռեժիմ, պատժաչափի վերանայում անել»,- ասաց պատգամավորը՝ միաժամանակ շեշտելով, որ Հայաստանում չկա ցմահ դատապարտված մի անձ, ում գործից ինքը տեղյակ չէ։

Նաիրա Զոհրաբյանը նշեց, որ տարբեր օրենքներում փոփոխությունների շատ մեծ հայեցակարգ է պատրաստում, որը վերաբերելու է թե ՔԿՀ-ներին, թե կալանավորներին, թե դատապարտյալներին։
«Վարչապետը շատ իրավացիորեն խոսում էր դատապարտյալների անհատական մոտեցման մասին։ Այո, ողջ քաղաքակիրթ աշխարհն այսօր գնում է անհատական մոտեցման»,- ամփոփեց խորհրդարանականը։