Ձեր վստահելի աղբյուրը

«Ծառուկյան» խմբակցության պատգամավոր Վահե Էնֆիաջյանը այսօր ԱԺ-ում վարչապետի թեկնածու Նիկոլ Փաշինյանից հետաքրքրվեց  Երևանի այն տարածքներից, որոնք իրացվել են, համարվել են պետական գերակա շահ, օտարվել, իսկ այնտեղ ապրողները հայտնվել են դրսում։ Պատգամավորը նշեց, որ խոսքը վերավերում է Կոնդին, Ֆիրդուսի, Արամի և այլ փողոցներին:

«Հիմա կոնկրետ պայմանավորվածություններ ունենք կոնկրետ գործարարների հետ, բայց այդ ծրագրերի իրականացումը պատճառահետևանքային կապի մեջ է «Հին Երևան» նախագծի իրականացման հետ: Այդ նախագծի իրականացումը կանգնած է, որովհետև Հայաստանի Փոքրիկ երգիչներ երգչախմբին պատկանող շենքի հետ կապված խնդիր է առաջացել․ այն երկու մետր պետք է տեղափոխվի: Քանի դեռ չլուծենք այդ երկու մետր տեղափոխելու հարցը, չի լուծվելու «Հին Երևան» նախագծի գործարկման հարցը, որը շատ խոշոր ներդրումային հարց է, և շղթայական խնդիրներ են առաջանալու նաև Կոնդի և Ֆիդուսիի իրացման գոտու խնդիրների լուծման հետ կապված։ Այդտեղ օրենդրական խնդիր էլ կա։ Երբ լուծենք այդ շենքը երկու մետր տեղափոխելու հարցը, մնացած խնդիրները կլուծվեն»,- ասաց Փաշինյանը։

Փաշինյանը հույս հայտնեց, որ խորհրդարանն այս հարցում իրենց կաջակցի։