Ձեր վստահելի աղբյուրը

«2018 թվականին ներդրումներ/ ՀՆԱ հարաբերակցությունը սպասվում է, որ կլինի 23,3  տոկոս, այն ավելին է, քանի միջնաժամկետ ծախսերի ծրագրով նախատեսվում էր 2018-ի համար»,- «Հայաստանի Հանրապետության 2019 թ. պետական բյուջեի մասին» օրինագծի քննարկման ժամանակ հայտնեց ՀՀ ֆինանսների նախարարի պաշտոնակատար Ատոմ Ջանջուղազյանը։
Նա նշեց, որ 2019 թվականի սպասումը 23,6 տոկոս է։

Ինչ վերաբերում է արտահանում / ՀՆԱ հարաբերակցությանը՝ տեղեկացրեց, որ  2018-ի համար սպասվում է, որ շուրջ 38, 7 տոկոս, իսկ 2019-ի համար՝ 41 տոկոս։

Կենտրոնական բանկի նախագահ Արթուր Ջավադյան էլ նշեց, որ 2018 թվականի առաջին ութ ամիսներին բարձր տնտեսական ակտիվությունը պահպանվել է և սպասվում է, որ տարվա արդյունքով տնտեսական աճը կգերազանցի կառավարության կողմից կանխատեսված 2018-ի պետբյուջեի հիմում դրված ցուցանիշը։

«Տնտեսական աճի ձևավորման մեջ կարևոր դեր են ունեցել առաջարկի կողմից ծառայությունների և շինարարության ճյուղերում գրանցված արտադրողականության աճը, պահանջարկի կողմից՝ զսպող հարկաբյուջետային քաղաքականության պայմաններում ընդլանվող դրամավարկային քաղաքականությունը, որը խթանել է առավելապես մասնավոր ներքին պահանջարկը»,- նշեց ԿԲ նախագահը։

Ինչ վերաբում է 2019 թվականի պետբյուջեի նախագծին, Ջավադյանն ասաց, որ գալիք տարվա տնտեսական աճին նպաստող հիմնական գործոնը լայնածավալ կառուցվածքային բարեփոխումներն են։