«Զվարթնոց» օդանավակայանը անվանափոխելու հետ կապված փարիսեցիություն

Մշակույթ 16:47 05/11/2018 Հայաստան

Տես նաև`«Զվարթնոց»-ի հին շենքը վերականգնելու համար հիմա էլ պետք է պետական ցուցակում ընդգրկվի

Տես նաև`«Զվարթնոց անունը փոխելը սրբապղծություն է»

«Մշակույթի նախարարությունը հայտնել է իր դիրքորոշումը, որը բացասական է՝ «Զվարթնոց» օդանավակայանը անվանափոխելու Ազնավուրի անունով»,- խորհրդարանում լրագրողների հետ ճեպազրույցում ասաց մշակույթի նախարարի պաշտոնակատար Լիլիթ Մակունցը:

Նա նշեց, որ հաշվի սոցցանցերում քննարկումները, առանձին հայտերը, որոնք ներկայացվել են անվանափոխման հետ կապված՝ անհրաժեշտություն առաջացավ հանրային քննարկում կազմակերպելու։

«Կարծիքներ են հնչում, թե ինչպես է որոշվելու հանրային քննարկման արդյունքում:

Նախ որոշում կայացնողը մշակույթի նախարարությունը չէ, այլև այլ գերատեսչություն, իսկ հանրային քննարկումը բաղկացած է լինելու 10-12 փորձագետներից, ովքեր կներկայացնեն իրենց կարծիքը, և հանրությունը, և այն մարդիկ, ովքեր հայտ են ներկայացրել, կարող են թե քննարկմանը հետևել և թե հարցեր ուղղել փորձագետներին, իսկ իրավասու գերատեսչությունն այնուհետև որոշում կկայացնի»,-ասաց Մակունցը։

Մինչ պաշտոնակատարը կրկնվում է, կրկնվենք և մենք՝ ովքեր չգիտեն ինչ է ինտերնետը, հարության մաս չեն կազմի, իսկ ովքեր ինտերնետից «հասկանում են» և ուզում են կարծիք հայտնել, կարող են լրացնել այս հայտաձևը: Ի դեպ, մի քանի անգամ կարող են լրացնել, քանի որ ընդունում է կարծիքներ նաև ֆեյք հասցեներից։

Մակունցը հայտնեց նաև, որ աշխարհագրական վերանվանումների հետ կապված որոշումներ կայացնող գերատեսչությունները տրանսպորտի նախարարությունը և քաղավիացիան են:

Մշակույթի նախարարի պաշտոնակատարը հավելեց, որ «Զվարթնոց»-ի հին շենքը նորահայտ հուշարձանների շարքում է և իրենց անմիջական պահպանման գոտում, ինչին ևս քաջատեղյակ ենք, քանի որ գիտենք որ կառույցները, որոնք մտցվել են պահպանման ցուցակ, որև կերպ դեռ որ չեն պահպանվում, քանի որ դրան գումար հատկացված չէ:

Ինչ էլ հիշեց:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: