Ձեր վստահելի աղբյուրը

2019 թվականի պետական բյուջեի նախագծով ՀՀ բնապահպանության նախարարությանը կտրամադրվի 6,7 մլրդ դրամ։ Այսօր ԱԺ տարածքային կառավարման և տեղական ինքնակառավարման, գյուղատնտեսական և բնապահպանական հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում ասաց բնապահպանութան նախարարի պաշտոնակատար Էրիկ Գրիգորյանը:

«Ծառուկյան» դաշինքի պատգամավոր Վարդևան Գրիգորյանը նախարարի պաշտոնակատարից հետաքրրքվեց, թե Սևանա լճի վերականգնման, պահմանման ի՞նչ քայլեր են արվում, բացի ջրի մակարդակի բարձրացումից։

«Մոնիթորինգի կենտրոնը ուսումնասիրություն է իրականացնում Սևանի ոչ միայն մակարդակի, այլև որակի հետ կապված հարցերով, սակայն Սևանա լճի մակարդակի միայն նիշը բավարար չէ, որպեսզի լճի էկոհամակարգի վիճակի մասին դատողություններ անենք։ Այս պահի դրությամբ ենթադրում ենք, որ ազոտի, ֆոսֆորի կենսապաշարների ծավալի և մակարդակի մասով պետք է տեղեկատվություն ունենանք»,- ասաց նախարարի պաշտոնակատարը՝ հույս հայտնելով, որ համակարգված աշխատանքի շնորհիվ միայն մակարդակի առումով ցուցանիշ չէ, որ կունենան։

ՀՀԿ պատգամավոր Արայիկ Հովհաննիսյանն էլ հետաքրքրվեց Սևանից ինչքա՞ն ջրառ է կատարվել և  ինչպե՞ս է վերահսկողություն իրականացվում,  ինչին ի պատասախան Գրիգորյանն ասաց. «Այսօրվա դրությամբ Սևանա լճի մակարդակը սահմանված նիշի համեմատ մինուս մեկ է: Սակայն ավելի ցածր էր՝ մինուս երկու, մինուս երեք էր, հիմա մինուս մեկ է: Ակնկալում ենք, որ դրական հաշվեկշիռը կպահպանվի: 170 խմ-ից բացի, պետք է ևս 40 խմ բաց թողնվեր, բայց ավելի քիչ է բաց թողնվել: Բավական երկար ժամանակ է՝ փակ է, այս պահին որևէ բացթողում չի իրականացվում»։