Ձեր վստահելի աղբյուրը

ՀՀ Ազգային ժողովի տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի և ֆինանսավարկային հանձնաժողովի համատեղ նիստում ներկայացվեց 2019 թվականի պետական բյուջեի նախագծով ՀՀ մարզերին նախատեսված հատկացումները։

ՀՀ տարածքային կառավարման և զարգացման նախարարությանը կհատկացվի  96,082.6 մլն դրամ։

Այսպես՝ 2019 թ-ի բյուջեով

Երևանին հատկացումները կազմելու են 56,6 մլրդ դրամ,
Արարատի մարզին հատկացումները կազմում են 600 մլն դրամ
Արմավիրի մարզպետին՝  618 մլն դրամ,
Գեղարքունիքի մարզպետին՝ 8 մլրդ 73 մլն դրամ,
Լոռու մարզին՝ 17 մլրդ 700 մլն դրամ,
Կոտայքի մարզին՝ 7 մլրդ 232 մլն դրամ,
Շիրակի մարզին՝ 8 մլրդ 583 մլն դրամ,
Սյունիքի մարզին՝  8 մլրդ 980 մլն դրամ,
Վայոց Ձորին՝ 2 մլրդ 356 մլն դրամ,
Տավուշի մարզին՝  4 մլրդ 570 մլն դրամ:

Նշենք, որ բոլոր մարզպետները ներկա էին բյուջեի քննարկմանը, բացի՝ Սյունիքի մարզպետ Հունան Պողոսյանից և Երևանի քաղաքապետ Հայկ Մարությանից, նրանց փոխարինում էին իրենց տեղակալները։

«ՀՀ 2019 թ. պետական բյուջեի մասին» ՀՀ օրենքի նախագծի քննարկումները կամփոփվեն մշտական հանձնաժողովներում, ԱԺ պատգամավորների և խմբակցությունների՝ նախագծի վերաբերյալ գրավոր առաջարկությունները կներկայացվեն ՀՀ ԱԺ աշխատակազմ: