Ձեր վստահելի աղբյուրը

Երևանի «Դինամո» մարզադահլիճում նոյեմբերի 8-ին տեղի է ունեցել ՎՏԲ-Հայաստան Բանկի կողմից նախաձեռնած, նախարարությունների միջև կայանալիք «ՎՏԲ Լիգա» ֆուտբոլային մրցաշարի բացման հանդիսավոր արարողությունը: Բանկի մամուլի ծառայությունից հայտնում են, որ մրցաշարին մասնակցել են հետևյալ թիմերը`

• ՀՀ Աշխատանքի և սոցիալական հարցերի նախարարության:
• ՀՀ Գյուղատնտեսության նախարարության,
• ՀՀ Պաշտպանության նախարարության,
• ՀՀ Կրթության և գիտության նախարարության,
• ՀՀ Ոստիկանության,
• ՀՀ Սփյուռքի նախարարության,
• ՀՀ Տարածքային կառավարման և զարգացման նախարարության,
• ՀՀ Ֆինանսների նախարարության,

Մրցաշարի բացման արարողության հյուրերին ողջունել և անցկացրել են ՎՏԲ Լիգայի գնդակի սիմվոլիկ փոխանցումը սպորտի և երիտասարդության հարցերով նախարարի ժ.պ, Գաբրիել Ղազարյանը և «ՎՏԲ-Հայաստան Բանկ» ՓԲԸ Գլխավոր տնօրեն – Տնօրինության նախագահ Իվան Տելեգինը:

Արարողությանը հյուրերի համար պարային համարով հանդես է եկել գեղարվեստական մարմնամարզության Հայաստանի հավաքականը: Իսկ «ՎՏԲ Լիգա-ն» մեկնարկեց Գյուղատնտեսության նախարարության և Ֆինանսների նախարարության թիմերի խաղով:

Լիգա ՎՏԲ մրցաշարի, որի եզրափակիչը տեղի կունենա դեկտեմբերի 6-ին, մրցանակային ֆոնդը բաշխված է հետևյալ կերպ.

1 -ին մրցանակային տեղ՝1 000 000 ՀՀ դրամ
2 -րդ մրցանակային տեղ՝ 700 000 ՀՀ դրամ
3-րդ մրցանակային տեղ՝ 500 000 ՀՀ դրամ.

ՎՏԲ-Հայաստան Բանկը մաղթում է բոլոր թիմերին հետաքրքիր և դիտարժան խաղ, հաջողություն և հաղթանակ: