Ձեր վստահելի աղբյուրը

Եվրոպական ուսումնասիրությունների կենտրոնի ղեկավար, իրավաբանական գիտությունների թեկնածու Արթուր Ղազինյանը կարծում է, որ  ՀԱՊԿ-ում տեղի ունեցող իրադարձությունները մեծ հաշվով Հայաստանի հետ քիչ առնչություն ունեն, քանի որ Հայաստանն իրացրել է իր պայմանագրային իրավունքը` հետ կանչել իր ներկայացուցչին, իսկ փոխարենն առաջարկել ՀԱՊԿ Գլխավոր քարտուղարի նոր թեկնածու։

«Ամեն ինչ տեղավորվում է այս կազմակերպության կանոնադրության և պայմանագրի տրամաբանության մեջ։

Սակայն այն, ինչ տեղի ունեցավ երեկ Աստանայում, դա արդեն վկայությունն է այդ կազմակերպության մեջ առկա անառողջ մթնոլորտի և անդամ-պետությունների միջև փոխադարձ վստահության ցածր մակարդակի մասին»,-գրել է նա ֆեյսբուքյան իր էջում։

Նա նշում է, որ Բելառուսի նախագահ Լուկաշենկոն և ղազախստանի նախագահ Նազարբաևը փորձեցին սակարկության առկա դարձել Հայաստանի ներկայացուցչի նշանակման հարցը` ձգտելով դրա դիմաց առավելագույնը պոկել պատժամիջոցների ներքո օրեցօր թուլացող Ռուսաստանից, քանի որ ավանդաբար Ռուսաստանը պաշտպանել է Հայաստանի շահը ՀԱՊԿ-ում։
«Բայց, ինչպես երևաց, Պուտինը պատրաստ չէր վճարել Գլխավոր քարտուղարի պաշտոնը Հայաստանին թողնելու համար։ Վստահ եմ, Փաշինյանն առավելագույնս արդյունավետ կօգտագործի ՀԱՊԿ կանոնադրությամբ անդամ-պետություններին վերապահված լիազորությունները և կարգելափակի ցանկացած այլ նշանակում` հարուցելով ՀԱՊԿ պատմության մեջ աննախադեպ խորը ճգնաժամը։ Խնդիրն իհարկե կհանգուցալուծվի` Պուտինի անձնական բարձր հեղինակության շնորհիվ, սակայն Լուկաշենկո - Նազարբաև դուետին չպետք է թույլ տալ «բեսպրեդել» անել ՀԱՊԿ-ում»,-նշել է նա։