Ձեր վստահելի աղբյուրը

Collider պորտալը կազմել է Walt Disney ստուդիայի կողմից նկարահանված լավագույն և վատագույն մուլտֆիլմերը։  Վարկանշային ցուցակի առաջին տեղում է 1940 թվականին նկարահանված «Պինոկիոն»։ Նշվում է, որ կոմերցիոն տեսանկյունից մուլտֆիլմը ստուդիայի ամենահաջող արտադրանքը չի եղել, սակայն լավ է ընդունվել քննադատների կողմից։ «Պինոկիոն» ստացել է երկու «Օսկար» լավագույն երաժշտության և  օրիգինալ սաունդտրեկի համար։

Ռիա նովոստիի հյաղորդմամբ, երկրորդ տեղում է 1959 թվականին նկարահանված «Քնած գեղեցկուհին»։ Պորտալը հատուկ ուշադրություն է  դարձնում նկարազարդողի աշխատանքին, ում շնորհիվ մուլտֆիլմը  դարձել է ստուդիայի ամենահավակնոտ նախագծերից։

Երրորդ տեղում է «Ֆանտազիա» (1940 թ.) երաժշտական մուլտիպլիկացիոն ֆիլմը։ Collider-ը նշում է, որ մուլտֆիլմը, որը կազմված է 9 երաժշտական համարներից, իսկական գլուխգործոց է դարձել։

Լավագույն տասնյակում է նաև «Բեմբի», «Գեղեցկուհին և հրեշը», «Դամբո», «Առյուծ արքան», «Փիթեր Փեն», «Մոանա», «Արքայադուստրը և յոթ թզուկները» մուլտֆիլմերը։ 

Collide-ի վարկածով, վատագույն մուլտֆիլմն է 2005 թվականին նկարահանված «Փոքրիկ ճուտիկը»։