Ձեր վստահելի աղբյուրը

Վարչապետի պաշտոնակատար Նիկոլ Փաշինյանն այսօր այցելել է «Հին Երևան» նախագծի տարածքի շինհրապարակ։ Նա նաև այցելեց Արամի 23 հասցեում գտնվող հուշարձան-կառույցի տարածք, որտեղ գործուներություն է իրականացնում «Հայ փոքրիկ երգիչներ» երգչախումբը։ Շենքը վթարային է դարձել՝ կառուցապատող ընկերություններից մեկի պատճառով։ Վարչապետի պաշտոնակատարին ծանոթարեցին, թե շենքի ամրացման համար ինչ տարբերականեր են առաջարկվում:

Նշենք, որ ավելի վաղ Քաղաքաշինության կոմիտեն հայտարարել էր, որ  հուշարձան-կառույցը փրկելու համար 3 վերականգնման նախագիծ է արվել։

Փաշինյանին ուղեկցում էին Երևանի քաղաքապետ Հայկ Մարությանի և գլխավոր ճարտարապետ Արթուր Մեսչյանը։

Այնուհետև Մաշտոցի պուրակում լրագրողների հետ ճեպազրույցում Փաշինյանը հայտարարեց, որ քաղաքական որոշում են կայացրել՝ ոչ մի պաշտմամշակութային հուշարձան չապամոնտաժել։

Պատասխանելով պաշտոնական լիազորությունները և վարչական ռեսուրսը չարաշահելու վերաբերյալ հնչած մեղադրանքների մասին հարցերին՝ նա նշեց «Այսինքն՝ ՀՀ վարչապետի պաշտոնակատարը սենյակից պետք է դուրս չգա՞:  ՀՀ որևէ քաղաքացի սահամանափակվա՞ծ է որևէ օր, որևէ երթ անելու համար։ ՀՀ ընտրական օրենսգիրքը և քարոզչության համար սահմանված ժամկետները հետևյալի համար են. քարոզչության համար նախատեսված ժամկետից դուրս մարդիկ սահմանափակված չեն որևէ ձևով, որևէ քարոզչություն անելու, որովհետև քաղաքական ուժերը պետք է անընդհատ քարոզչություն անեն»:

Հարցին, թե տրամադրությունների անկում և մտահոգ քաղաքացիներ տեսնու՞մ է, թե՞ ոչ, նա պատասխանեց. «Ամենամտահոգ քաղաքացին հիմա կանգնած է ձեր դիմաց»:

Ի դեպ՝ Հանրապետական կուսակցության կարգախոսն է՝ «Եթե մտահոգ ես, ընտրիր Հանրապետականին»

Ինչ վերաբերում է նոյեմբերի 26-ից արձակուրդ գնալու հարցին՝ պատասխանեց.  «Ընտրական օրենսգիրքն այդպիսի պահանջ չի ներկայացնում, ո՛չ։ Իմ նախընտրական քարոզչությունը սկսել է 2007 թվականին և չեմ ավարտվելու այնքան ժամանակ, քանի դեռ ես քաղաքական գործունեությամբ եմ զբաղվում»։

Փաշինյանը նաև հայտնեց, որ «Իմ Քայլը» դաշինքը քարոզարշավն սկսելու է Շիրակի մարզից՝ Գյումրիից.

«Մեր փորձը ցույց է տալիս, որ ինչ սկսվում է Գյումրիից, լավ ավարտ է ունենում»։