Ձեր վստահելի աղբյուրը

«Առաջիկա ընտրություններին մասնակցելու որոշումը դժվար որոշում էր։ Կար քաղաքական գործընթացների վերաբերյալ հստակ դիրքորոշում հայտնելու ցանկություն, քանի որ Հայաստանում հասունացել է արմատական փոփոխություններ  կատարելու պահը»,- այսօր նախընտրական ծրագրի ներկայացման ժամանակ ասաց ՕԵԿ նախագահ Արթուր Բաղդասարյանը։

Նա նշեց, որ հետհեղափոխական Հայաստանում յոթ ամիս ապրելը իրենց հնարավորություն է տվել գնահատելու երկրի առջև ծառացած խնդիրները և ըստ այդմ՝ վերջնական որոշում կայացնել։

«Ուսումնասիրելով, թե ինչ արդյունքների է հասել իշխանությունն այս ամիսների ընթացքում՝ մենք որոշոցինք մասնակցել ընտրություններին։ Դրական փոփոխություններից հետո այնուամենայնիվ չենք տեսնում քայլեր, որոնք թույլ կտան Հայստանը տանել զարգացման ճանապարհով, հակառակը, տեսնում ենք օրեցօր աճող մարտահրավերներ, որը մեզ մղում է  վճռական պոռթկում կատարելու»,- ասաց նա։

Որպես ընտրություններին մասնակցելու մյուս կարևոր դրդապատճառ՝ Արթուր Բաղդասարյանը մատնանշեց արտաքին քաղաքականության, տնտեսության ասպարեզում Հայաստանի թերացումները։ Նրա համոզմամբ, նոր իշխանությունն անփորձության պատճառով չի կարողանում արձագանքել այն մարտահրավերներին, որոնք ծառացած են պետության առջև։

«Շատ լավ է, որ այժմ խելքի, գաղափարի մրցապայքար է, որ ընտրակաշառք չկա։ Մենք պետք է սկսենք սկզբից։ Նոր սկզբին պետք է գնանք գրագետ, ազգի շահերը ներկայացնելու ունակ թիմով։ ՕԵԿ-ն ունակ է մրցունակ ծրագիր ներկայացնել։ Մեր ծտալիս բրագիրը պատասխաններ է տալիս ոլորտներում, նորարարական լուծումներ առաջարկում։ Մեր հիսուն քայլերն ունակ են փոխել Հայաստանը։ Մենք վստահ ենք, որ ժողովրդի գիտակից մասը գիտակցված որոշում կընդունի։ Մեզ ձայն պետք է տա վերլուծելու ունակ, մտածող մարդը։ Այս ընտրությունները շատ հետաքրքիր են լինելու, բայց զգացմունքայնությանը պետք է գումարենք նաև իրատեսությունը»,- ասաց Արթուր Բաղդասարյանը։

Նա նշեց, որ իրենց ծրագրի կետերից մեկը վերաբերում է հիպոթեքային եղանակով ձեռք բերվող բնակարաններին, այն է՝ կանխավճարներ ընդհանրապես չպետք է լինեն։ Ծրագրի մյուս կետը վերաբերում է վճարովի, պրոֆեսիոնալ բանակի անցում կատարելուն։ «Մեր բյուջետային միջոցները հնարավորություն են տալիս աստիճանաբար անցում կատարել պրոֆեսիոնալ բանակի։ Մենք առաջարկում են մոդեռնիզացնել մեր բանակը»,- ասաց ՕԵԿ առաջնորդը։
Հարջորդ կետով Արթուր Բաղդասարյանը շեշտեց հասանելի առողջապահության ինստիտուտի ներդրման կարևորությունը՝ շեշտելով, որ պետությունը պետք է հարյուր տոկոսով ֆինանասավորի մարդու կյանքի հետ ուղղակիորեն կապված հիվանդությունների բուժումը։
Նա նաև շեշտեց, որ որոշ հանքավայրերը պետք է ազգայնացվեն։

Վերջում Արթուր Բաղդասարյնանը ներկա կուսակիցներին կոչ արեց պատվի զգացումով մոտենալ ընտրական գործընթացներին։ «Մեր թիմին հաղթանակ, Հայաստանին՝ օրինականություն և արդարություն եմ ցանկանում»,- ասաց ՕԵԿ առաջնորդը։