Ձեր վստահելի աղբյուրը

«Օրինաց երկիր» կուսակցությունն այսօր իր քարոզարշավը սկսեց Երևանի Սուրբ Աննա եկեղեցու բակում՝ մոմ վառելով։

«Այսօրվա այս մոմավառությունը հենց այն նպատակը ունի, որ մենք ազգովի միշտ պետք է ամուր կառչած մնանք մեր ակունքներից»,- լրագրողների հետ զրույցում ասաց կուսակցության առաջնորդ Արթուր Բաղդասարյանը:

«Մենք ոչ սև ենք, ոչ սպիտակ, մենք ՕԵԿ ենք: Աշխարհում կան լիքը գույներ, սիրենք աշխարհը, սիրեք գույները, սիրեք երկիրը: Մեր կարգախոսը լինելու է շիտակ քաղաքական պայմաններում արժանանալ ժողովրդի վստահության քվեին: Բոլորս պետք է հասկանանք՝ տեղի է ունեցել, հեղափոխություն, 8 ամիս անցել է, 8 ամսում 30 տարվա խնդիրները լուծել հնարավոր չէ, բայց հնարավոր է ցույց տալ, թե ինչպես պետք է Հայաստանը զարգանա: Մենք այսօր չենք տեսնում այդ զարգացման հստակ տեսլականը, դրա համար էլ մասնակցում ենք ընտրություններին, ներկայացնում ենք ժողովրդին»,- նշեց նա։

Ինչ վերաբերում է քարոզարշավին, և հնչեցրած այն մտահոգություններին, թե Նիկոլ Փաշինյանը քարոզարշավը սկսել էր ժամանակից շուտ, նա ասաց, որ չի ցանկանում քննադատությամբ սկսել քարոզարշավը:

«Ինչ որ եղել, եղել է, թող ամեն մարդ հիմա ներկայացնի իր մոտեցումներն ու ծրագրերը»,- ասաց Բաղդասարյանը։