Մեր երկիրը պետք է մտնի զարգացման մի նոր փուլ և այդ փուլը մեկնարկում է դեկտեմբերի 9-ին. Մարուքյան
«Մենք մեր առաջ խնդիր ենք դրել՝ լուսավորել Հայաստանը: Սա պատահական խոսք չէ, սա խոսք է առ այն, որ մեզնից յուրաքանչյուրն իր ամենօրյա աշխատանքով, իր տքնաջան աշխատանքով, իր նվիրումով պետք է կարողանա իր ներսում կուտակել այն գիտելիքներն ու փորձը, որոնք հետագայում օգտակար կլինեն մեր պետությանը»,- այս մասին այսօր Սպիտակում «Լուսավոր Հայաստան» կուսակցության քարոզարշավի ժամանակ ասաց ԱԺ պատգամավորության թեկնածու Տարոն Սիմոնյանը։
Նրա խոսքով՝ այսօր իրենց թիմի բոլոր անդամներն այդ համարձակությունն ու պատասխանատվությունն ունեն և իրենց պայքարն այն է, որ ունենան այնպիսի մի պետություն, որը երաշխավորում է հավասար հնարավորություններ յուրաքանչյուրի համար «Այդ իսկ պատճառով բոլորիդ կոչ եմ անում գնալ ընտրություններին և կատարել գիտակից ընտրություն, եթե նման ընտրություն կատարեք՝ հավատացնում եմ Ձեզ, որ ժողովրդի հաղթանակը երաշխավորված է լինելու»,- նշեց Տարոն Սիմոնյանը:
«Լուսավոր Հայաստան» կուսակցության ցուցակը գլխավորող Էդմոն Մարուքյանն էլ իր եույթում նշեց, որ Լոռու մարզի, Սպիտակի,Վանաձորի և ընդհանրապես բոլոր բնակավայրերի շահերն անդադար ու առանց որևէ րոպե կանգ առնելու ու երախտիքի խոսք ակնկալելու պաշտպանել Է։
«Չեմ կարծում, թե մենք պիտի գանք ու ասենք, թե մենք քանի նամակի ենք պատասխանել, գիտեք ինչ լավ կուսակցություն ենք և այլն: Ժողովրդավարությունն ունի կանոն. եթե լավ են աշխատում՝ ընտրվում են, եթե ոչ՝ չեն ընտրվում: Հիմա եթե գտնում եք, որ մենք լավ ենք աշխատել, ընտրեք «Լուսավոր Հայաստան» կուսակցությանը, եթե լավ չենք աշխատել, խնդիր չկա, մարդն ընտրում է այն ուժին, որը կպաշտպանի իրեն, բարեփոխումներ կանի, աղետի գոտին 30 տարի անց դեռևս նույն խնդիրները չի ունենա: Չասեն, թե աղետի գոտի բառը չեն օգտագործում, որ իբր եթե բառը չօգտագործեն, աղետի գոտին դրանից վերանում է: Տենց մի վարչապետ ունեինք, ասում էր՝ մի ասեք ճգնաժամ, ճգնաժամը կգա Հայաստան, սուս մնացեք, կարող է գա մեր կողքով անցնի»,- ասաց նա:
Էդմոն Մարուքյանը միաժամանակ նշեց, որ ԼՀԿ-ն գնալու է խորհրդարան և լինելու է ընդդիմություն, պաշտպանելու է ՀՀ քաղաքացիներին, ամեն ինչ անելու է, որ այնպիսի խորհրդարան ունենան, որ այլևս կարիք չլինի այն ցրելու, շրջափակելու, հեղափոխություն անելու. «Մեր երկիրը պետք է մտնի զարգացման մի նոր փուլ և այդ փուլը մեկնարկում է դեկտեմբերի 9-ին»:
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
