Ձեր վստահելի աղբյուրը

Վերաքննիչ դատարանում ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումն անձեռնմխելիության հիմքով վերացնելու վերաբերյալ բողոքի քննությունն ընդմիջվեց։ Փաստաբանական խմբի անդամ Արամ Օրբելյանը լրագրողների հետ զրույցում տեղեկացրեց, որ ինչպես նշել էին, ներկայացրել ու քննարկել են նախատեսված միջնորդություններից մեկը։

«Այս պահին քննարկվել է ապացույցների թույլատրելիությունը կալանքը քննարկելու հարցում, արդյո՞ք կալանքը կարող է կիրառվել ինչ-որ նյութերի հիման   վրա, որոնք օրենքով նախատեսված ապացույցեի պարամետրերին չեն համապատասխանում»,-ասաց Օրբելյանը։

Փաստաբանն այս առումով ասաց, ծայրահեղ օրինակ կբերի, ինչ-որ մեկը տեսել է ինչ-որ մեկին, առանց անունը նշելու, ինչ-որ բան անելիս, դրա մասին պատմել է ինչ-որ մեկը, այսինքն՝ աղբյուրի չբացահայտված ցուցմունքը կարելի է ապացույց համարել, թե՞ ոչ։

«Դռնփակ դատական նիստում հնչած առանձին ապացույցներին չեմ անդրադառնալու»,-ասաց փաստաբանը։

Ռոբերտ Քոչարյանի փաստաբանը նշեց, որ իր պաշտպանյալը հայտարարել է, թե տեղյակ չի եղել ՊՆ 0038 գաղտնի հրամանից։

«Տարօրինակ չի, որ Քոչարյանը տեղյակ չի եղել հրամանի բովանդակությունից։ Բոլորդ գաղտնալսված ձայնագրությունը լսել եք։ Արթուր Վանեցյանը Սասուն Խաչատրյանին հարցնում է, ի՞նչ ասեց, երբ տեսավ հրամանը։ Նախարարների բոլոր հրամանները նախագահը չի կարող տեսնել։ Ավելին ասեմ, վարչության պետերի որոշումները փոխնախարարը չի տեսնում, բոլոր փոխնախարարների գործընթացի մասին վարչապետը տեղյակ չէ։ Ոչ մեկի վրա բարդման գործընթաց չի լինում, ես չասեցի դա օրինական է, թե անօրինական»,-ասաց Օրբելյանը՝ ավելացնելով, որ հետևություններ կարող են այն ժամանակ, երբ հստակեցված լինեն հրամանի ընդունման նախադրյալնեը, արդյո՞ք այն ընդունվել է, թե՞ ոչ, քննարկվե՞լ է, թ՞ե ոչ։

Փաստաբանը նշեց, որ իրենց առարկությունը հիմնականում վերաբերում է հապճեպությանը, սենսացիան չի բերում արդարադատության իրականացմանը։

«Արդարադատությունը շատ ձանձրալի գործընաց է, այն ենթադրում է, որ մանրակրկիտ պետք է հանգամանքները պարզվեն, նոր սկսվի դատական գործընթացը։ Դա չի նշանակում, ոչ չեն կարող կալանքի հարցեր քննվեն, քննչական գործողություններ, առգրավումներ կատարվեն։ Բայց դա նշանակում է, պետք է կարողանալ զերծ մնալ սենսացիոն հայտարարություններ անելու ցանկությունից»,-ասաց նա։