Ձեր վստահելի աղբյուրը

Անգլիայի Պրեմիեր լիգայի 15-րդ տուրում«Արսենալ» - «Մանչեսթեր Յունայթեդ» հանդիպումն ավարտվեց ոչ-ոքի` 2:2 հաշվով:

Հայաստանի ֆուտբոլի ազգային հավաքականի և «Արսենալի» կիսապաշտպան Հենրիխ Մխիթարյանը խաղն սկսեց պահեստայինների նստարանից և փոխարինման է մտել երկրորդ խաղակեսում: 

Գոլային փոխանցման հեղինակ դարձած Մխիթարյան, ակումբի պաշտոնական կայքի փոխանցմամբ, ասել է. «Շնորհակալություն, որ եկել էիք «Օլդ Տրաֆորդ» մարզադաշտ: Դուք անկրկնելի էիք: Իհարկե, հիասթափված ենք, քանի որ «Արսենալը» պարտավոր էր հաղթել: Եթե անգամ ոտքերդ ծանրացած են, հարկավոր է պարզ գլխով մնալ: Չպետք է ուշադրություն դարձնել հոգնածությանը, անհրաժեշտ է ցույց տալ առավելագույնը: Օլդ Տրաֆորդում բարդ է խաղալը: Ուրախ ենք, որ կարողացանք միավոր վաստակել: Դա կարևոր էր լավագույն քառյակ մտնելու համար պայքարում: Կփորձենք հաղթանակի հասնել առաջիկա խաղերում»։