Ձեր վստահելի աղբյուրը

ՀՅԴ տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը ֆեյսբուքյան էջում գրառումներ է արել՝ ներկայացնելով թիվ 3 ընտրատարածքի /Շենգավիթ, Մալաթիա-Սեբաստիա/ Դաշնակցության վստահված անձանց քվեարկության ընթացքում արձանագրած խախտումները: Նա նշել է, որ Դաշնակցության վստահված անձերն ակտիվ աշխատում են ընտրատեղամասերում:

«Թիվ 8/25 ընտրատեղամասի (31 դպրոց, Հ. Հովսեփյան 2) ընտրացուցակում հայտնաբերվել է ընտրող Ք.Թ.-ի տվյալները, ով արդեն 2 տարի մահացած է»,- գրել է նա։

Մեկ այլ գրառման համաձայն. «Թիվ 7/39 ընտրատեղամասում ( 97 մանկապարտեզ, Սվաճյան 16) ընտրողը փորձել է իր հետ դուրս հանել մյուս քվեաթերթիկները, որով կբացահայտվեր ընտրության գաղտնիությունը»։

Թիվ 8/40 ընտրատեղամասում (75 դպրոց, Ն. Շենգավիթ 12փ., 13) ընտրող Ա.Ք.-ն ստորագրել է մեկ ուրիշի փոխարեն:

«Թիվ 8/49 ընտրատեղամաս (158 դպրոց, Շիրակի 2 նրբ. 5) փորձել են մուտք գործել «Իմ Քայլ» դաշինքի 3 վստահված անձ. նրանք հայտարարել են, որ Հանձնաժողովի զգոնությունն էին ստուգում: Անընդունելի պահվածք է: Միաժամանակ նույն քաղաքական ուժից ընտրատեղամասում կարող է լինել առավելագույնը 2 վստահված անձ»,- գրել է Ս. Պարսյանը։