Ձեր վստահելի աղբյուրը

Ֆրանսիայի նախագահ Էմանուել Մակրոնը երկրում սոցիալ-տնտեսական արտակարգ դրություն է հայտարարել։ Այս մասին, «Գազետա.ռու»-ի փոխանցմամբ, նա ասել է ելույթով  ժողովրդին դիմելու ժամանակ։

Մակրոնը նշել է, որ հասկանում է ցուցարարների զայրույթը և ազգի առջև պատասխանատվություն է կրում։ Նրա խոսքով, ինքն անկեղծորեն կցանկանար փոխել երկրում առկա իրավիճակը։

«Ես փորձում եմ հենվել ձեզ վրա՝ քաղաքացիական հասարակությա վրա»,- ասել է Մակրոնը։

Նա հավելել է, որ 2019 թվականի սկզբից նվազագույն աշխատավարձը կավելանա 100 եվրոյով, բացի այդ՝ տարեվերջին կլինի հատուկ դրամական պարգևատրում։

«Մենք չափազանց դանդաղ ենք շարժվել դեպի բարեկեցություն մեր ճանապարհով»,- նշել է Ֆրանսիայի նախագահը։

«Վերջին շաբաթների իրադարձությունները Ֆրանսիայում լրջորեն ցնցեցին ժողովրդին։ Նրանում խառնվեցին օրինական պահանջներն ու անընդունելի բռնությունը։ Մեր ազատությունը գոյություն ունի նրա համար, որ ցանկացած պահի կարծիք արատահայտենք, որը կարող է ոչ բոլորն են կիսում, բայց ոչ մեկ չի վախենա այդ անհամաձայնությունից»,-ասել է Ֆրանսիայի նախագահը։

Հիշեցնենք, որ նոյեմբերից Ֆրանսիայում զանգվածային բողոքի ակցիաներ են անցկացվում, որը հայտնի դարձավ որպես «դեղին ժիլետավորների» բողոքի ակցիաներ, դիզվառելիքի գների բարձրացման պատճառով։ Այնուհետ նրանց միացան կառավարության քաղաքականությունից դժգոհները։