Ձեր վստահելի աղբյուրը

Լոնդոնում տեղի ունեցած The Fashion Awards հեղինակավոր մրցանակաբաշխությանը մասնակցել է նաև արքայազն Հարրի կինը՝ Սասեքսի դքսուհի Մեգան Մարքլը: Նա   մրցանակաբաշխությանը անսպասելի  ներկայացել էր Givenchy նորաձևության տան տնօրեն Քլեր Ուեյթ Քելերին մրցանակը հանձնելու համար, գրում է spletnik.ru-ն:

Քլերը  «Տարվա բրիտանացի դիզայներ» անվանակարգում հաղթող է ճանաչվել: Ի դեպ, Մեգանի հարսանեկան զգեստի հեղինակը  հենց նա է:

Ըստ աղբյուրի՝ մրցանակաբաշխության ժամանակ պարզվել է, որ Մեգան Մարքլի հետ ծանոթանալն ավելի դժվար է, քան Ֆորտ Նոքսի զինվորական բազայում հայտնվելը: Ինչպես պարզվում է, շատերը  հիասթափվել են, քանի որ նրանք չեն կարողացել  մոտենալ, նույնիսկ բարևելու  նախկին դերասանուհուն:

Նշվում է, որ Լոնդոնի թագավորական «Ալբերտ հոլլ» դահլիճը,  որտեղ տեղի է ունեցել մրցանակաբաշխությունը,  ամբողջ գիշեր շրջափակված է եղել ավտանգության աշխատողներով: Դա նշանակում է, որ երբ Մեգանն ինչ-որ տեղ գնում է, բոլոր միջանցքներն ու աստիճանները պետք է ազատ լինեն մարդկանցից:

Հայտնի մարդիկ, ինչպիսիք են մոդել Քենդալ Ջեները, երգչուհի Ռիտա Օռայը, դիզայներ Վիկտորիա Բեքհեմy,  վրդովվել են  անվտանգության խիստ կանոնների պատճառով: Չգիտես ինչու, նրանց մերժել են զրուցել Մեգանի հետ: Այնուամենայնիվ, դերասանուհի Ռոզամունդ Փայքին և Քլեր Ուեյթ Քելերին հաջողվել է դքսուհու հետ նկարվել: