Վերաբացվել է Կոնվերս Բանկի «Նոր Հաճըն» մասնաճյուղը

Հասարակություն 17:27 25/12/2018 Հայաստան

Այսօր կայացել է Կոնվերս Բանկի «Նոր Հաճըն» մասնաճյուղի վերաբացման պաշտոնական արարողությունը, որին մասնակցել են հյուրեր Կոտայքի մարզպետարանից, Նոր Հաճնի համայնքապետարանից, գործարար համայնքի ներկայացուցիչներ, հաճախորդներ…
Բանկից հայտնում են, որ վերաբացումից հետո մասնաճյուղը վերսկսելու է աշխատանքը ք. Նոր Հաճն, Չարենցի փ. թիվ 8 հասցեում՝ ավելի հարմարավետ, ժամանակակից չափորոշիչներին համապատասխանող պայմաններում:

«2019թ. Կոնվերս Բանկը շարունակելու է իր մասնաճյուղային ցանցի ընդլայնման քաղաքականությունը՝ արդեն տարեսկզբից վերաբացելով «Կենտրոնական» և բացելով «Արշակունյաց» մասնաճյուղերը: Նախատեսում ենք, որ հաջորդ տարեվերջին Բանկը մասնաճյուղեր կունենա նաև այն տարածաշրջաններում, որտեղ այսօր ներկայացված չէ: Զուգահեռաբար, կշարունակվեն մասնաճյուղերի նորոգման, արդիականացման, սպասարկման պայմանների բարելավման ուղղությամբ աշխատանքները»,- ասել է Կոնվերս Բանկի Գլխավոր գործադիր տնօրեն Արթուր Հակոբյանը:

2019թ. Կոնվերս բանկը շարունակելու է նաև աշխատանքները առաջարկվող պրոդուկտների և ծառայությունների պարզեցման, հասանելիության և սպասարկման լավագույն որակի ապահովման ուղղությամբ:

«Կոնվերս Բանկը՝ լինելով Նոր Հաճնում գործունեություն ծավալած առաջին բանկը, առանձնանում է ոչ միայն առաջարկվող ծառայությունների հասանելիությամբ և սպասարկման բարձր որակով, այլև քաղաքապետարանի հետ համագործակցության երկարամյա փորձով: Կոնվերս Բանկ- համայնքապետարան հարաբերությունները կառուցված են գործընկերային և բարեկամական համագործակցության հենքի վրա, որի վառ ապացույցը Բանկի կողմից Նոր Հաճնի հիմնադրման 60ամյա հոբելյանին նվիրված տոնակատարությանը աջակցությունն էր՝ որպես գլխավոր հովանավոր»,- ասել է համայնքի ղեկավար Գագիկ Մաթևոսյանը:

Կոնվերս Բանկը Կոտայքի մարզում ներկայացած է 6 մասնաճյուղով:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: